Noo Luke 3:1 - Yn Vible Casherick 1775 1819

¹ Nish ayns y wheiggoo vleïn jeig jeh reill Tiberius Cesar, tra va Pontius Pilate ny chiannoort er Judea, as Herod ny hetrarch er Galilee, as e vraar Philip reill ayns Iturea, as cheer Trachonitis, as Lysanias reill ayns Abilene.

Yn Conaant Noa 1810

¹ Nish ayns y wheiggoo vlein jeig jeh reill Tiberius Cesar, tra va Pontius Pilate ny chiannoort er Judea, as Herod ny hetrarch er Galilee, as e vraar Philip reill ayns Iturea, as cheer Trachonitis, as Lysanias reill ayns Abilene.

Noo Luke 3:1 ပူးပေါင်းရင်းမြစ်များ

Genesis 49:10

Cha jean y lorg-reill failleil veih Judah, ny fer-toyrt y leigh veih e luight, derrey nee Shiloh cheet: as huggeysyn, vees ny ashoonee er nyn jaglym stiagh.

Noo Mian 14:1

Ec y traa shen cheayll Herod yn Tetrarch jeh goo Yeesey,

Noo Mian 14:3

Son va Herod er ghoaill Ean, as er choyrt eh ayns geulaghyn ’sy phryssoon, er coontey Herodias ben e vraar Philip.

Noo Mian 14:6

Agh er y laa v’er ny reayll corrym rish y laa ruggyr Herod, ghaunse inneen Herodias ayns yn enish oc, as ghow Herod lane boggey j’ee.

Noo Mian 22:17

Insh dooin er-y-fa shen, Cre t’ou uss smooinaghtyn, Vel eh lowal keesh y eeck da Cesar mannagh vel?

Noo Mian 27:2

As erreish daue v’er chiangley eh, leeid ad eh ersooyl, as livrey ad eh gys Pontius Pilate yn kiannoort.

Noo Mark 6:17

Son va Herod hene er chur fys magh, as er ghoaill Ean, as er choyrt eh ayns geulaghyn ’sy phryssoon, kyndagh rish Herodias ben e vraar Philip; son v’eh er phoosey ee.

Noo Mark 6:21

Agh tra va laa jesh er y hon er jeet, dy ren Herod corrym rish y laa ruggyr eh, shibber y yannoo, son e hiarnyn, ard-chaptanyn, as deiney ooasle Ghalilee:

Noo Luke 13:31

Yn laa cheddin, haink shiartanse jeh ny Phariseeyn, as dooyrt ad rish, Fow ersooyl, as immee royd veih shoh; son ta Herod shleeuit er dty vioys y ghoaill.

Noo Luke 2:1

As haink eh gy-kione ayns ny laghyn shen, dy jagh sarey magh veih Cesar Augustus, dy beagh coontey er ny ghoaill jeh’n slane rheam.

Noo Luke 23:24

As hug Pilate briwnys cordail rish nyn aigney.

Noo Luke 3:19

Agh tra v’eh er choyrt oghsan da Herod yn Tetrarch kyndagh rish Herodias ben e vraar Philip, as ooilley ny huilk va Herod er n’yannoo,

Noo Luke 9:7

Nish va Herod yn tetrarch er chlashtyn jeh ooilley e yannoo: as v’eh seaghnit, er-y-fa dy row paart gra, dy row Ean er n’irree veih ny merriu:

Jannoo 23:26

Bea as slaynt veih Claudius Lysias, gys y kiannoort smoo ooasle Felix.

Jannoo 24:27

Agh ec kione daa vleïn haink Portius Festus ayns ynnyd Felix: as son dy row Felix booiagh jannoo nhee taitnyssagh da ny Hewnyn, daag eh Paul ny phryssoonagh.

Jannoo 26:30

As tra v’eh er ghra shoh, dirree yn ree, as y kiannoort, as Bernice, as adsyn va nyn soie mâroo,

Jannoo 4:27

Son ayns firrinys noi dty lhiannoo casherick Yeesey, t’ou er ny ooilaghey, va chammah Herod as Pontius Pilate marish ny Ashoonee as pobble Israel er nyn jaglym cooidjagh,