Noo Luke 22:18 - Yn Vible Casherick 1775 1819

¹⁸ Son ta mee gra riu, Nagh n’iu-ym jeh mess y villey-feeyney, derrey hig reeriaght Yee.

Yn Conaant Noa 1810

¹⁸ Son ta mee gra riu, Nagh n’iu‐ym jeh mess y villey‐feeyney, derrey hig reeriaght Yee.

Noo Luke 22:18 ပူးပေါင်းရင်းမြစ်များ

Psalmyn 104:15

Dy vod eh beaghey y chur lesh magh ass y thalloo, as feeyn ta gerjaghey cree dooinney: as ooil dy chur da eddin ghennal, as arran dy niartaghey cree dooinney.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Isaiah 25:6

As er y clieau shoh nee Chiarn ny flaunyssee gaarlaghey son dy chooilley phobble cuirraghyn sonney, gien feeyn er y drundin, dy vee roauyr lane smuir, dy feeyn sheelit dy glen jeh’n drundin.

Isaiah 55:1

Ho, dagh unnane ta paagh, tar-jee gys ny ushtaghyn, as eshyn ta gyn argid; tar-jee, kionnee-jee as ee-jee; dy jarroo, tar-jee, kionnee-jee feeyn as bainney fegooish argid, as fegooish leagh.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Zechariah 9:15

Nee Chiarn ny flaunyssee ad y endeil, as nee ad stroie, as yiow ad yn varriaght lesh claghyn-sling, as iu-ee ad, as nee ad feiyr myr lesh feeyn, as bee ad er ny lhieeney myr siyn, as myr corneilyn yn altar.

Zechariah 9:17

Son cre wheesh as ta e vieys, as cre wheesh as ta e aalid! nee arroo ny deiney aegey y yannoo gennal, as feeyn noa ny mraane aegey.

Noo Mian 16:18

As ta mee myrgeddin gra rhyt, Dy nee uss Peddyr, as dy nee er y chreg shoh trog-ym’s my agglish: as cha vow giattyn niurin yn varriaght urree.

Noo Mian 26:29

Agh ta mee gra riu, Nagh n’iu-ym maghey shoh jeh mess y villey-feeyney, derrey’n laa iu-ym eh ass-y-noa mêriu ayns reeriaght my Ayrey.

Noo Mark 14:23

As ghow eh yn cappan, as tra v’eh er chur booise, hug eh eh daue: as diu ad ooilley jeh.

Noo Mark 14:25

Dy firrinagh ta mee gra riu, Nagh n’iu-ym arragh jeh mess y villey-feeyney, derrey’n laa iu-ym eh ass-y-noa ayns reeriaght Yee.

Noo Mark 15:23

As hug ad da dy iu, feeyn as myrrh ny chione: agh cha ghow eh eh.

Noo Mark 9:1

As dooyrt eh roo, Dy firrinagh ta mee gra riu, Dy vel paart jeusyn ta nyn shassoo ayns shoh, nagh jean blashtyn er y baase, derrey vees ad er vakin reeriaght Yee er jeet lesh pooar.

Noo Luke 21:31

Myr shen shiuish neesht, tra hee shiu ny reddyn shoh cheet gy-kione, toig-jee dy vel reeriaght Yee er-gerrey.

Noo Luke 22:16

Son ta mee gra riu, Nagh n’ee-ym maghey shoh jeh, derrey vees eh cooilleenit ayns reeriaght Yee.

Noo Luke 9:27

Agh ta mee ginsh diu ayns firrinys, dy vel paart nyn shassoo ayns shoh nagh jean blashtyn er y baase, derrey hee ad reeriaght Yee.

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

Briwnyn 9:13

As dooyrt y billey-feeyney roo, Vel mish, dy scarrin’s rish my feeyn ta Jee as dooinney goaill boggey ayn, dy gholl dy ve soit harrish ny biljyn?