Noo Luke 21:1 - Yn Vible Casherick 1775 1819

¹ As yeeagh eh seose, as honnick eh ny berchee tilgey ny giootyn oc ayns kishtey yn stoyr.

Yn Conaant Noa 1810

¹ As yeeagh eh seose, as honnick eh ny berchee tilgey ny giootyn oc ayns kishtey yn stoyr.

Noo Luke 21:1 ပူးပေါင်းရင်းမြစ်များ

1 Reeaghyn 14:26

As ghow eh ersooyl tashtaghyn thie’n Chiarn, as tashtaghyn thie’n ree; ghow eh dy jarroo ooilley ersooyl: as ghow eh ersooyl ooilley ny scapeyn airhey va Solomon er n’yannoo.

2 Reeaghyn 12:9

Agh ghow Jehoiada yn saggyrt kishtey, as ren eh towl ’sy vullagh, as hoie eh eh liorish yn altar, er y cheu yesh myr ta fer cheet stiagh ayns thie’n Chiarn: as ny saggyrtyn dreill y dorrys hug ayn ooilley’n argid haink stiagh gys thie’n Chiarn.

2 Reeaghyn 24:13

As hug eh lesh magh veih shen ooilley tashtaghyn thie yn Chiarn, as tashtaghyn thie yn ree, as yiare eh ayns peeshyn ooilley ny siyn airhey va Solomon ree Israel er n’yannoo ayns chiamble y Chiarn, myr va’n Chiarn er ghra.

2 Recortyssyn 36:18

As ooilley siyn thie Yee, mooar as beg, as tashtaghyn thie’n Chiarn, as tashtaghyn y ree, as e phrinceyn; ad shoh ooilley hug eh lesh gys Babylon.

Nehemiah 13:13

As hoie mee stiurtyn harrish ny thieyn-stoyr, Shelemiah yn saggyrt, as Zadok yn scrudeyr, as jeh ny Leviteyn, Pedaiah: as by-niessey dauesyn va Hanan mac Zaccur, mac Vattaniah: son v’ad coontit dy ve treishteilagh, as va’n oik oc dy rheynn er nyn mraaraghyn.

Noo Mian 27:6

As ghow ny ard-saggyrtyn ny peeshyn argid, as dooyrt ad, Cha vel eh lowal dy choyrt ad mastey tashtaghyn y chiamble, er-yn-oyr dy nee leagh folley t’ayn.

Noo Luke 20:47

T’ad cur mow thieyn mraane-treoghe, as son scaa dy chraueeaght lhiggey orroo dy ve mennick ayns padjer: ta briwnys s’trimmey nyn gour oc shoh.

Noo Ean 8:20

Ny goan shoh loayr Yeesey ’sy room tashtee, myr v’eh gynsaghey ayns y chiamble: as cha dug dooinney erbee laue er, son cha row yn oor echey foast er jeet.

Joshua 6:19

Agh ooilley yn argid, as airh, as siyn prash, as yiarn, t’ad er nyn gasherickey gys y Chiarn: bee ad er nyn goyrt lhieu gys tashtaghyn y Chiarn.

Joshua 6:24

As ren ad yn ard-valley y lostey lesh aile, as ooilley ny v’ayn: ynrycan yn argid, as yn airh, as ny siyn prash as yiarn, hug ad lhieu gys stoyr thie’n Chiarn.