Noo Luke 2:9 - Yn Vible Casherick 1775 1819

⁹ As cur-my-ner haink ainle y Chiarn neose orroo, as ren gloyr y Chiarn soilshean mygeayrt-y-moo; as v’ad fo aggle feer atchimagh.

Yn Conaant Noa 1810

⁹ As cur‐my‐ner haink ainle y Chiarn neose orroo, as ren gloyr y Chiarn soilshean mygeayrt‐y‐moo; as v’ad fo aggle feer atchimagh.

Noo Luke 2:9 ပူးပေါင်းရင်းမြစ်များ

1 Reeaghyn 8:11

Myr shen nagh voddagh ny saggyrtyn shassoo dy yannoo shirveish, kyndagh rish y vodjal: son va gloyr y Chiarn er lhieeney thie’n Chiarn.

Exodus 16:10

As haink eh gy-kione, myr va Aaron loayrt rish ooilley co-chruinnaght chloan Israel, dy yeeagh ad lesh yn aasagh, as cur-my-ner, dy ren gloyr y Chiarn soilshean ’sy vodjal.

Exodus 16:7

As ’sy voghrey, eisht nee shiu fakin gloyr y Chiarn; son dy vel eh clashtyn y plaiynt eu noi’n Chiarn; as cre ta shinyn dy vel shiu girree magh nyn ’oï?

Isaiah 35:2

Ver eh magh blaa dy palchey, as gowee eh boggey, eer lesh gennallys as arraneyn; bee gloyr Lebanon er ny choyrt da, aalid Charmel as Sharon; bee ad gloyr y Chiarn, as ard-ooashley nyn Yee.

Isaiah 40:5

As bee gloyr y Chiarn er ny hoilshaghey; as nee dy chooilley eill fakin shoh, chammah yn derrey yeh as yn jeh elley: son ta beeal y Chiarn er loayrt eh.

Isaiah 60:1

Trog ort, jean soilshean; son ta dty hoilshey er jeet, as ta gloyr y Chiarn er n’irree ort.

Ezekiel 3:23

Eisht dirree mee, as hie mee magh ’sy vagher, as cur-my-ner hass gloyr y Chiarn ayns shen, myr y ghloyr shen honnick mee liorish awin Chebar, as huitt mee er my eddin.

Noo Mian 1:20

Agh choud as va ny reddyn shoh er e aigney, cur-my-ner haink ainle y Chiarn huggey ayns ashlish, gra, Yoseph, vac Ghavid, ny bee aggle ort dy ghoaill hood Moirrey dty ven: son shen t’er ny ghientyn aynjee, te jeh’n Spyrryd Noo.

Noo Luke 1:28

As haink yn ainle stiagh as dooyrt eh r’ee, Dy vannee dhyt’s ta ayns ard-foayr, ta’n Chiarn mayrt; bannit t’ou uss mastey mraane.

Noo Luke 2:8

Nish v’ayns y cheer cheddin bochillyn mooie er y vagher freayll arrey er nyn shioltaneyn ’syn oie.

Noo Luke 24:4

As haink eh gy-kione, myr v’ad ayns imnea mooar son shoh, cur-my-ner hass daa ghooinney lioroo ayns coamrey sollys.

Noo Ean 12:41

Ny reddyn shoh loayr Esaias, tra honnick eh e ghloyr as loayr eh jeh.

Jannoo 12:7

As cur-my-ner, haink ainle y Chiarn huggey, as ren soilshey soilshean ayns y phryssoon: as woaill eh Peddyr er y lhiattee, as ghooisht eh eh, gra, Irree seose dy tappee. As huitt ny geulaghyn jeh e laueyn.

Jannoo 27:23

Son hass liorym’s noght ainle Yee, quoi s’liesh mee, as eh ta mee dy hirveish,

Jannoo 5:19

Agh doshil ainle y Chiarn dorryssyn y phryssoon ayns yn oie, as hug eh lesh ad magh, as dooyrt eh,

2 Corinthianee 3:18

Agh shinyn ooilley lesh eddin foshlit, cur-my-ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 12:21

As cha atchimagh shen va’n shilley, dy dooyrt Moses, Ta mee dy mooar er-creau as agglit)

Ashlish 18:1

As lurg ny reddyn shoh honnick mee ainle elley cheet neose veih niau, lesh pooar niartal; as va’n seihll er ny hoilshean lesh e ghloyr.

Ashlish 20:11

As honnick mee stoyl-reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry-gheddyn er nyn son.