Noo Luke 2:4 - Yn Vible Casherick 1775 1819

⁴ As hie Joseph myrgeddin seose veih Galilee, veih ard-valley Nazareth, gys Judea, gys ard-valley Ghavid, ta enmyssit Bethlehem (son dy row eh jeh thie as kynney Ghavid.)

Yn Conaant Noa 1810

⁴ As hie Joseph myrgeddin seose veih Galilee, veih ard‐valley Nazareth, gys Judea, gys ard‐valley Ghavid, ta enmyssit Bethlehem (son dy row eh jeh thie as kynney Ghavid)

Noo Luke 2:4 ပူးပေါင်းရင်းမြစ်များ

Genesis 35:19

As hooar Rachel baase, as v’ee oanluckit ayns y raad gys Ephrath, ta shen Beth-lehem.

Genesis 48:7

As er my hon’s, tra haink mee veih Padan, hooar Rachel baase liorym, ayns cheer Chanaan, er y raad, tra nagh row foast agh tammylt beg dy raad dy gholl gys Ephrath: as doanluck mee ee ayns shen, ayns raad Ephrath, ta’n boayl cheddin Beth-lehem.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Noo Mian 1:20

Agh choud as va ny reddyn shoh er e aigney, cur-my-ner haink ainle y Chiarn huggey ayns ashlish, gra, Yoseph, vac Ghavid, ny bee aggle ort dy ghoaill hood Moirrey dty ven: son shen t’er ny ghientyn aynjee, te jeh’n Spyrryd Noo.

Noo Mian 2:23

As jimmee eh dy chummal ayns ard-valley enmyssit Nazareth: as shoh myr va cooilleenit shen loayr ny phadeyryn, Bee eh enmyssit ny Nazarene.

Noo Luke 2:3

As hie ad ooilley dy chur stiagh nyn enmyn, dagh unnane gys e ard-valley hene.

Noo Luke 2:5

Dy chur stiagh e ennym hene as ennym Moirrey yn ven va nasht rish, va trome torragh.

Noo Luke 4:16

As haink eh gys Nazareth, raad v’eh er ny ve troggit: as hie eh, myr v’eh cliaghtey, stiagh ayns y synagogue er laa yn doonaght, as hass eh seose dy lhaih.

Noo Ean 1:46

As dooyrt Nathanael rish, Vod nhee erbee mie cheet magh ass Nazareth? Dooyrt Philip rish, Tar royd as hee oo.

Noo Ean 7:42

Nagh vel y scriptyr er ghra, dy vel Creest dy heet jeh sluight Ghavid, as ass y balley Bethlehem, raad ruggyr David?

Ruth 1:19

Myr shen hie ad ny-neesht derrey haink ad gys Beth-lehem. As shen myr ve, tra v’ad er roshtyn gys Beth-lehem, dy daink ooilley’n ard-valley mygeayrt-y-moo, goaill yindys, as gra, Nee shoh Naomi?

Ruth 2:4

As cur-my-ner, haink Boaz veih Beth-lehem, as dooyrt eh rish ny beayneeyn, Dy row yn Chiarn mêriu. As dreggyr ad, Dy jean y Chiarn dty vannaghey.

Ruth 4:11

As dooyrt ooilley’n pobble v’ayns y whaiyl, as ny briwnyn, Ta shin feanishyn: dy der y Chiarn er y ven ta er jeet stiagh ayns dty hie dy ve myr Rachel as myr Leah, ad shoh nyn-neesht ren soiaghey seose thie Israel: as dy bee oo onnoroil ayns Ephratah, as ooasle ayns Beth-lehem:

Ruth 4:17

As hug ny mraane ny naboonyn eck ennym er, gra, Ta mac er ny ruggey da Naomi, as denmys ad eh Obed: eshyn ayr Jesse, ayr Ghavid.

1 Samuel 16:1

As dooyrt y Chiarn rish Samuel, Caïd nee oo dobberan son Saul, fakin dy vel mish er yiooldey rish veih reill harrish Israel? Lhieen dty eairk lesh ooil, as immee; ver-yms oo gys Jesse yn Beth-lehemite: son ta mee er chiarail dou hene ree mastey e vec.

1 Samuel 16:4

As ren Samuel myr loayr y Chiarn, as haink eh gys Beth-lehem: as va shanstyr y valley ayns imnea tra haink eh, as dooyrt ad, Vel oo cheet dy sheeoil?

1 Samuel 17:12

Nish va David mac yn Ephraimite shen jeh Beth-lehem-Judah, va’n ennym echey Jesse; as va hoght mec echey: as v’eh goit son shenn ghooinney ayns laghyn Saul.

1 Samuel 17:58

As dooyrt Saul rish, Quoi dy mac oo, uss ghooinney aeg? As dreggyr David, Ta mish mac dty harvaant Jesse yn Beth-lehemite.

1 Samuel 20:6

My ennys dty ayr nagh vel mee kionfenish, eisht abbyr, Ren David guee orrym dy jeean kied ’chur da dy roie choud’s Beth-lehem yn ard-valley echey hene: son ta feailley-bleeaney freilt ayns shen son y slane kynney.