Noo Luke 2:34 - Yn Vible Casherick 1775 1819

³⁴ As vannee Simeon ad, as dooyrt eh rish Moirrey e voir, Cur-my-ner ta’n lhiannoo shoh soit dy chur sheese as dy hoiaghey seose ymmodee ayns Israel; as son cowrey dy oltooan.

Yn Conaant Noa 1810

³⁴ As vannee Simeon ad, as dooyrt eh rish Moirrey e voir, Cur‐my‐ner ta’n lhiannoo shoh soit dy chur sheese as dy hoiaghey seose ymmodee ayns Israel; as son cowrey dy oltooan.

Noo Luke 2:34 ပူးပေါင်းရင်းမြစ်များ

Genesis 14:19

As vannee eshyn eh, as dooyrt eh, Bannit dy row Abram liorish y Jee smoo syrjey, leshyn ta niau as thalloo.

Genesis 47:7

As hug Joseph lesh Jacob e ayr stiagh, as heb eh eh fenish Pharaoh: as ren Jacob Pharaoh y vannaghey.

Exodus 39:43

As yeeagh Moses er ooilley’n obbyr, as cur-my-ner, v’ad er n’yannoo eh myr va’n Chiarn er harey; eer myr shen ren ad eh: as hug Moses e vannaght daue.

Isaiah 8:18

Cur-my-ner, ta mish, as my chloan ta’n Chiarn er chur dou, son cowraghyn as yindyssyn ayns Israel: veih Chiarn ny flaunyssee, ta cummal ayns cronk Sion.

Hosea 14:9

Quoi ta creeney, as nee eh toiggal ny reddyn shoh? toiggalagh, as yiow eh fys orroo? son ta raaidyn y Chiarn jeeragh, as nee’n vooinjer ynrick gimmeeaght ayndoo: agh nee ny mee-viallee cherraghtyn lioroo.

Noo Mian 11:19

Haink Mac yn dooinney gee as giu, as t’ad gra, Cur-my-ner dooinney jollyssagh, as iuder-feeyney, carrey dy phublicanee as dy pheccee: agh ta creenaght er ny heyrey liorish e cloan hene.

Noo Mian 12:46

Choud as v’eh foast loayrt rish y pobble, cur-my-ner va e voir as e vraaraghyn nyn shassoo mooie, shirrey loayrt rish.

Noo Mian 21:44

As quoi-erbee huittys er y chlagh shen, bee eh er ny vroo: agh er quoi-erbee huittys y chlagh shen, nee ee cha meen as joan jeh.

Noo Mian 27:63

Gra, Vainshter, ta cooinaghtyn ain dy dooyrt yn molteyr shen, choud as v’eh foast bio, Lurg three laa neem’s girree reesht.

Noo Luke 2:35

(As dy jarroo hed cliwe trooid dty annym hene neesht) dy vod smooinaghtyn ymmodee creeaghyn v’er ny chronnaghey.

Noo Ean 3:20

Son ta dy chooilley unnane ta jannoo dy holk, cur feoh da’n toilshey, chamoo t’eh cheet gys y toilshey, son nagh jig brah er ny obbraghyn echey.

Noo Ean 5:18

Shen-y-fa va ny Hewnyn wheesh shen smoo shleeuit er cur dy baase eh; er-yn-oyr dy row eh cha nee ynrycan er vrishey yn doonaght, agh er ghra myrgeddin dy nee Jee va’n Ayr echey, jannoo eh-hene corrym rish Jee.

Jannoo 13:45

Agh tra honnick ny Hewnyn lheid y chaglym dy leih, daase ad feer jymmoosagh, as loayr ad noi ny reddyn va Paul dy livrey, cur eddin da, as oltooaney eh.

Jannoo 17:6

As tra nagh dooar ad ad, hayrn ad lhieu Jason as shiartanse jeh ny braaraghyn gys fir-reill yn ard-valley, geamagh, T’ad shoh t’er hyndaa yn seihll bun-ry-skyn er jeet ayns shoh neesht;

Jannoo 24:5

Ta shin er gheddyn yn dooinney shoh fer erskyn-towse boiragh, as doostey anvea mastey ooilley ny Hewnyn er feaï-ny-cruinney, as ny ard-leeideilagh ayns shaghrynys credjue ny Nazarenee:

Jannoo 28:22

Agh ta shin booiagh clashtyn voïd’s, cre t’ou smooinaghtyn: son mychione yn chredjue shoh, ta fys ain dy vel eh ayns dy chooilley ynnyd loayrit n’oï.

Jannoo 4:26

Hass reeaghyn y thallooin seose, as va ny fir-reill er nyn jaglym cooidjagh noi yn Chiarn as noi e Chreest.

Jannoo 6:7

As ren goo Yee bishaghey; as daase earroo ny credjuee ny smoo as ny smoo ayns Jerusalem; as haink sheshaght vooar jeh ny saggyrtyn dy ve biallagh gys y chredjue.

Romanee 9:32

Cre’n-fa? Er-yn-oyr nagh hir ad er y hon liorish credjue, agh myr dy beagh eh liorish obbraghyn y leigh: son ren ad snapperal ec y chlagh hug orroo tuittym;

1 Corinthianee 1:23

Agh ta shinyn preacheil Creest v’er ny chrossey, da ny Hewnyn, scammylt, as da ny Greekyn, ommijys;

Hebrewnee 7:1

Son y Melchisedec shoh ree Salem, saggyrt yn Jee smoo syrjey, hie quail Abraham myr v’eh er y raad veih stroie ny reeaghyn, as vannee eh:

Hebrewnee 7:7

As gyn dooyt, ta’n fer s’inshilley er ny vannaghey liorish y fer syrjey.

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.

1 Samuel 2:20

As ren Eli Elkanah as e ven y vannaghey, gra, Dy der y Chiarn dhyt sluight jeh’n ven shoh, son yn eeasaght t’ou er choyrt da’n Chiarn. As hie ad rhymboo gys nyn gummal hene.