Noo Luke 2:25 - Yn Vible Casherick 1775 1819

²⁵ As cur-my-ner va dooinney ayns Jerusalem va enmyssit Simeon; as va’n dooinney cheddin cairagh as crauee, farkiaght son gerjagh Israel: as va’n Spyrryd Noo ersyn.

Yn Conaant Noa 1810

²⁵ As cur‐my‐ner va dooinney ayns Jerusalem va enmyssit Simeon; as va’n dooinney cheddin cairagh as crauee, farkiaght son gerjagh Israel: as va’n Spyrryd Noo ersyn.

Noo Luke 2:25 ပူးပေါင်းရင်းမြစ်များ

Genesis 6:9

Ad shoh sheelogheyn Noah, va Noah ny ghooinney cairagh as ynrick ayns e heelogheyn: as ren Noah e vea y leeideil myr ayns fenish Yee.

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Lioar Yob 1:8

As dooyrt y Chiarn rish Satan, Vel oo er chur-my-ner my harvaant Job, nagh vel fer erbee goll-rish er y thalloo, dooinney slane ynrick as jeeragh, ta goaill aggle roish Jee, as shaghney olk?

Isaiah 25:9

As bee eh graït er y laa shen, Cur-my-ner, she shoh yn Jee ain; ta shin er farkiaght er e hon, as nee eh sauail shin: shoh yn Chiarn; ta shin er farkiaght er e hon, bee mayd gennal, as nee mayd boggey y ghoaill ayns e haualtys.

Isaiah 40:1

Jean-jee gerjaghey, jean-jee my phobble y gherjaghey, ta’n Jee eu dy ghra.

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?

Earrooyn 11:25

As haink y Chiarn neose ayns bodjal, as loayr eh rish, as ghow eh jeh’n spyrryd va ersyn, as hug eh shen er y three-feed shanstyr as jeih: as haink eh gy-kione, tra ren y spyrryd tannaghtyn orroo, dy ren ad phadeyrys, as cha ren ad scuirr.

Earrooyn 11:29

As dooyrt Moses rish, Vel uss troo er y choontey aym’s? dy baillish Jee dy beagh ooilley pobble y Chiarn phadeyryn, as dy jinnagh y Chiarn cur e spyrryd orroo.

Noo Mark 15:43

Haink Joseph dy Arimathea, fer-coyrlee ooasle, va myrgeddin eh-hene farkiaght son reeriaght Yee, as cha ghow eh aggle, agh hie eh stiagh dy dunnal gys Pilate, as ren eh aghin son corp Yeesey.

Noo Luke 1:41

As haink eh gy-kione, tra cheayll Elizabeth bannaghey Moirrey, dy lheim yn oikan ayns e breïn, as va Elizabeth lhieent lesh y Spyrryd Noo.

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Noo Luke 1:67

As va’n ayr echey Zacharias lhieent lesh y Spyrryd Noo, as ren eh phadeyrys, gra,

Noo Luke 2:38

As haink ish stiagh ec y traa cheddin, as hug ee booise myrgeddin da’n Chiarn, as loayr ee jeh roosyn ooilley va jeeaghyn son livrey-ys ayns Jerusalem.

Noo Luke 23:51

(Cha row aart ny paart echey shoh ayns y choyrle ny yn jannoo oc) v’eh veih Arimathea, ard-valley jeh ny Hewnyn, (va myrgeddin eh-hene farkiaght son reeriaght Yee.)

Jannoo 10:2

Dooinney crauee, as baghey ayns aggle Yee, eh-hene as ooilley e hie, as v’eh cur mooarane jeirk da’n pobble, as dy mennick ayns padjer gys Jee.

Jannoo 10:22

As dooyrt adsyn, Cornelius yn centurion, dooinney cairagh, as baghey ayns aggle Yee, as jeh goo mie mastey slane ashoon ny Hewnyn, t’eh er gheddyn raaue veih Jee liorish ainle casherick, dy chur fys ort’s gys e hie, dy eaishtagh rish dty ghoan.

Jannoo 2:5

As va cummal ec Jerusalem, Hewnyn, deiney crauee, veih dagh ashoon er feaï-ny-cruinney.

Jannoo 24:16

As er-yn-oyr shoh ta mee er my chliaghtey hene, dy reayll kinjagh cooinsheanse gyn loght gys Jee as gys deiney.

Deuteronomy 18:15

Phadeyr nee’n Chiarn dty Yee troggal seose dhyt veih ny mast’ eu, jeh dty vraaraghyn, casley rhym’s, rishyn nee shiu geaishtagh.

2 Peddyr 1:21

Son cha daink phadeyrys ’sy chenn traa liorish aigney dooinney: agh loayr deiney crauee Yee myr v’ad er nyn leeideil liorish y Spyrryd Noo.