Noo Luke 2:13 - Yn Vible Casherick 1775 1819

¹³ As ayns y tullogh va marish yn ainle ymmodee jeh’n cheshaght flaunyssagh cur moylley da Jee, as gra,

Yn Conaant Noa 1810

¹³ As ayns y tullogh va marish yn ainle ymmodee jeh’n cheshaght flaunyssagh cur moylley da Jee, as gra,

Noo Luke 2:13 ပူးပေါင်းရင်းမြစ်များ

Genesis 28:12

As ren eh dreamal, as honnick eh myr aarey soit er y thalloo, as va’n mullagh echey roshtyn gys niau: as cur-my-ner, ainleyn Yee goll seose, as cheet neose er,

1 Reeaghyn 22:19

As dooyrt eh, Eaisht uss, er-y-fa shen, rish goo’n Chiarn: Honnick mee yn Chiarn ny hoie er e stoyl-reeoil, as ooilley sheshaght-flaunyss ny hassoo liorish, er e laue yesh as er e laue hoshtal.

Lioar Yob 38:7

Tra ren rollageyn y voghrey nyn arraneyn-moyllee y ghoaill cooidjagh, as tra ren ooilley cloan Yee troggal seose nyn goraa son boggey?

Psalmyn 148:2

Moylley-jee eh, ooilley shiuish e ainleyn: moylley-jee eh shiuish e heshaghtyn-caggee.

Psalmyn 68:17

Ta fainee Yee feed thousane, dy jarroo thousaneyn dy ainleyn: as ta’n Chiarn ny mast’ oc, myr ayns ynnyd casherick Sinai.

Ezekiel 3:12

Eisht hrog yn spyrryd seose mee, as cheayll mee my chooylloo sheean tharmane mooar, gra, Bannit dy row gloyr y Chiarn veih e ynnyd hene.

Daniel 7:10

Ren strooan aileagh lhieeney, as haink eh magh veih kiongoyrt rish: va thousaneyn dy housaneyn shirveish er, as jeih thousane keayrtyn jeih thousaneyn shassoo kiongoyrt rish: va’n vriwnys soit, as ny lioaryn foshlit.

Noo Luke 15:10

Myrgeddin ta mee gra riu, dy vel boggey ayns fenish ainleyn Yee jeh un pheccagh ta goaill arrys.

Noo Luke 2:12

As bee shoh son cowrey diu; Yiow shiu yn oikan ayns aanrityn soïllee, as ny lhie ayns manjoor.

Noo Luke 2:14

Gloyr dy row gys Jee ayns yn yrjid, as er y thalloo shee, aigney-mie gys deiney.

Ephesianee 3:10

Dy voddagh nish v’er ny hoilshaghey da ny ard-reillyn as pooaraghyn ayns ynnydyn flaunyssagh liorish yn agglish ymmodee-filley creenaght Yee,

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

1 Peddyr 1:12

Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.

Ashlish 5:11

As yeeagh mee, as cheayll mee coraa ymmodee ainleyn mygeayrt y stoyl-reeoil, as ny cretooryn, as ny shanstyryn: as va’n earroo oc jeih thousane keayrt jeih thousaneyn, as thousaneyn dy housaneyn;