Noo Luke 18:7 - Yn Vible Casherick 1775 1819

⁷ As nagh jean Jee cooilleeney ass lieh e chloan reiht hene, ta geamagh huggey oie as laa, ga dy vel eh foddey lhiggey shaghey?

Yn Conaant Noa 1810

⁷ As nagh jean Jee cooilleeney ass lieh e chloan reiht hene, ta geamagh huggey oie as laa, ga dy vel eh foddey lhiggey shaghey?

Noo Luke 18:7 ပူးပေါင်းရင်းမြစ်များ

Psalmyn 88:1

O Hiarn Yee dy my haualtys, ta mee er n’eamagh laa as oie kiongoyrt rhyt’s: O lhig da my phadjer cheet stiagh ayns yn enish ayd’s, croym dty chleaysh gys m’eam;

Psalmyn 9:8

Son nee eh yn seihll y vriwnys ayns cairys: as shirveish briwnys firrinagh er y pobble.

Exodus 22:23

My nee oo er aght erbee tranlaase orroo, as ad dy ghaccan hym’s; ver-yms, son shickyrys, clashtyn da nyn eam;

Isaiah 40:27

Cre’n-fa t’ou uss gra, O Yacob, as dy vel oo loayrt, O Israel, Ta’n raad aym’s follit veih’n Chiarn, as my vriwnys er n’gholl shaghey veih my Yee?

Habakkuk 2:3

Son ta’n ashlish foast son traa ry-heet, agh ec y jerrey nee eh loayrt, as cha nee ayns fardail: ga dy vel eh lhiggey shaghey, fark er, son hig eh son shickyrys, cha jean eh cumrail.

Noo Mian 24:22

As mannagh beagh ny laghyn shen dy leah harrish, cha beagh dooinney bio er ny hauail: agh er graih yn chloan reiht, bee ny laghyn shen dy leah harrish.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 7:11

Shen-y-fa my ta fys euish ta nyn beccee, kys dy choyrt giootyn mie da nyn gloan, cre-woad smoo nee’n Ayr eu t’ayns niau nheeghyn mie y choyrt dauesyn ta jannoo aghin huggey.

Noo Luke 11:13

My ta toiggal er-y-fa shen euish, ta olk, kys dy choyrt giootyn mie da nyn gloan; cre-woad smoo nee yn Ayr flaunyssagh eu yn Spyrryd Noo y choyrt dauesyn ta jannoo aghin huggey?

Noo Luke 2:37

As v’ee ny ben-treoghe mysh kiare-feed as kiare bleeaney dy eash, as v’ee dy kinjagh taaghey yn chiamble, shirveish Jee lesh trostey as padjeryn oie as laa.

Noo Luke 21:28

As tra ghoys ny reddyn shoh toshiaght dy heet gy-kione, eisht jeeagh-jee shiuish seose, as trog-jee nyn ghing; son ta’n livrey-ys eu tayrn er-gerrey.

Romanee 8:33

Quoi ver nhee erbee gys lieh cloan reiht Yee? she Jee ta seyrey:

Colossianee 3:12

Cur-jee erriu er-y-fa shen (myr cloan reiht Yee, casherick as graihagh) meeaghyn dy vyghin, kenjallys, injillid-aigney, meenid, surranse-foddey;

1 Thessalonianee 3:10

Oie as laa goaill padjer erskyn towse jeean dy akin yn eddin eu, as dy yannoo magh shen ny ta dy laccal ayns nyn gredjue?

2 Thessalonianee 1:6

Fakin dy vel eh red cairagh marish Jee dy chooilleeney seaghyn orroosyn ta jannoo tranlaase erriu;

1 Timothy 5:5

Nish t’ee shen ta dy jarroo ny ben-treoghe, as treigit, treishteil ayns Jee, as tannaghtyn ayns aghinyn as padjeryn oie as laa.

2 Timothy 1:3

Ta mee cur booise gys Jee, eh ta mee dy hirveish veih my henn-ayraghyn lesh cooinsheanse ghlen, dy vel mee cooinaghtyn dy kinjagh ort ayns my phadjeryn oie as laa:

2 Timothy 2:10

Shen-y-fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

Titus 1:1

Paul sharvaant Yee, as ostyl Yeesey Creest, son credjue cloan reiht Yee, as goaill-rish yn irriney, ta cordail rish craueeaght:

1 Peddyr 1:1

Peddyr ostyl Yeesey Creest, gys ny joarreeyn er ny skeayley trooid magh Pontus, Galatia, Cappadocia, Asia as Bithynia,

2 Peddyr 3:9

Cha vel y Chiarn moal mychione e ghialdynys, (myr ta paart dy gheiney coontey meillid) agh jeh surranse-foddey dooinyn, neu-wooiagh dy jinnagh unnane erbee cherraghtyn, agh dy darragh ooilley gys arrys.

Ashlish 18:20

Bee-jee boggyssagh er-e-skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.

Ashlish 6:10

As deïe ad lesh ard-choraa, gra, Caïd, O Hiarn, casherick as firrinagh, nagh vel uss briwnys as goaill cooilleeney son yn uill ain er fir-vaghee yn thallooin?

Ashlish 7:15

T’ad er-y-fa shen kiongoyrt rish stoyl-reeoil Yee, as dy hirveish eh oie as laa ayns e hiamble: as nee eshyn ta ny hoie er y stoyl-reeoil cummal nyn mast’ oc.