Noo Luke 18:1 - Yn Vible Casherick 1775 1819

¹ As loayr eh coraa-dorraghey roo, dy lhisagh deiney kinjagh padjer y ghoaill, as gyn ad y ve liastey;

Yn Conaant Noa 1810

¹ As loayr eh coraa‐dorraghey roo, dy lhisagh deiney kinjagh padjer y ghoaill, as gyn ad y ve lhiastey;

Noo Luke 18:1 ပူးပေါင်းရင်းမြစ်များ

Psalmyn 102:17

Tra t’eh dy hyndaa eh-hene gys padjer ny boghtyn treigit: as nagh vel eh soiaghey beg jeh nyn aghin.

Psalmyn 27:13

Ynsee dooys dty raad, O Hiarn: as leeid mee ayns y raad cair, kyndagh rish my noidyn.

Psalmyn 65:2

Uss ta clashtyn y phadjer: hood’s nee dy chooilley eill cheet.

Psalmyn 86:3

Bee trocoil dooys, O Hiarn: son nee’m geamagh ort’s gagh laa.

Isaiah 40:31

Agh yiow adsyn ta farkiaght er y Chiarn niart ass-y-noa; etlee ad seose myr er skianyn urley; nee ad roie as cha bee ad skee, nee ad shooyl, as cha jed ad neeal.

Isaiah 62:7

As ny cur-jee fea da, derrey ver eh shickyrys, as derrey nee eh jannoo Jerusalem ny voylley er y thalloo.

Jeremiah 29:12

Eisht nee shiu geamagh orrym, as gowee shiu padjer hym’s, as eaisht-yms riu.

Jonah 2:7

Tra ren my annym gannooinaghey cheu-sthie jee’m, chooinee mee er y Chiarn, as haink my phadjer stiagh hood, gys dty hiamble casherick.

Noo Luke 11:10

Son ta dy chooilley unnane ta geearree, geddyn: as y fer ta shirrey, feddyn: as eshyn ta aignagh fosley y gheddyn, bee eh er ny osley da.

Noo Luke 21:36

Bee-jee er nyn dwoaie er-y-fa shen, as bee-jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy-kione, as dy hassoo kiongoyrt rish Mac y dooinney.

Romanee 12:12

Gennal ayns treishteil; surransagh ayns seaghyn; tannaghtyn kinjagh ayns padjer:

2 Corinthianee 4:1

Fakin er-y-fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd liastey.

Ephesianee 6:18

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn;

Philippianee 4:6

Ny bee-jee imneagh son nhee erbee: agh ayns dy chooilley nhee liorish padjer as accan lesh toyrt-booise, lhig da ny aghinyn eu ve soilshit da Jee.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

Colossianee 4:2

Jean-jee tannaghtyn ayns padjer, as bee-jee dooishtagh ’sy chooid cheddin lesh toyrt-booise;

1 Thessalonianee 5:17

Gow-jee padjer dy kinjagh.

1 Samuel 1:12

As haink eh gy-kione, myr v’ee tannaghtyn dy jeean ayns padjer gys y Chiarn dy dug Eli tastey da ny meillyn eck.