Noo Luke 17:8 - Yn Vible Casherick 1775 1819

⁸ As nagh jir hoshiaght rish, Fow aarloo my hibber, as kiartee oo hene dy hirveish orrym’s, derrey vee’m erreish gee as giu, as ny lurg shen nee uss gee as giu?

Yn Conaant Noa 1810

⁸ As nagh jir hoshiaght rish, Fow aarloo my hibber, as kiartee oo hene dy hirveish orrym’s, derrey vee’m erreish gee as giu, as ny lurg shen nee uss gee as giu?

Noo Luke 17:8 ပူးပေါင်းရင်းမြစ်များ

Genesis 43:16

As tra honnick Joseph Benjamin mâroo; dooyrt eh rish stiurt e hie, Cur lhiat ny deiney shoh thie as marr-jee, as jean-jee gaarlaghey, son ta ny deiney shoh dy ve ec jinnair mârym’s mysh y vun-laa.

2 Samuel 12:20

Eisht dirree David veih’n thalloo, as ren eh eh-hene y oonlaghey as y ooilaghey, as hug eh caghlaa coamrey er, as haink eh gys thie’n Chiarn as hug eh ooashley; eisht haink eh gys e hie hene, as ec e yeearree hoie ad beaghey roish, as ren eh gee.

Noo Luke 12:37

Bannit ta ny sharvaantyn shen yiow yn Chiarn er nyn arrey, tra hig eh: dy firrinagh ta mee gra riu, dy gryss eh e gharmad mysh, as dy der eh orroo soie sheese gys bee, as dy jig eh magh dy hirveish orroo.

Noo Luke 17:7

Agh quoi eu ta sharvaant echey traaue, ny bochillagh ollagh, jirrys rish chelleeragh, tra vees eh er jeet veih’n vagher, Immee as soie gys y voayrd?

Noo Luke 17:9

Vel booise er da’n charvaant shen, son jannoo myr v’eh oardit? Er-lhiam nagh vel.

Noo Ean 13:4

Dirree eh veih shibber, as hug eh jeh e gharmadyn, as ghow eh aanrit, as chryss eh eh mysh hene.