Noo Luke 17:4 - Yn Vible Casherick 1775 1819

⁴ As my nee eh peccah dt’oï shiaght keayrtyn ’sy laa, as shiaght keayrtyn ’sy laa chyndaa reesht hood as gra, Ta mee goaill arrys; te ort leih da.

Yn Conaant Noa 1810

⁴ As my nee eh peccah dt’oï shiaght keayrtyn ’sy laa, as shiaght keayrtyn ’sy laa chyndaa reesht hood as gra, Ta mee goaill arrys; te ort leih da.

Noo Luke 17:4 ပူးပေါင်းရင်းမြစ်များ

Noo Mian 18:16

Agh mannagh n’eaisht eh rhyt, eisht gow mayrt fer ny jees elley, ayns beeal ghaa ny three dy eanishyn dy vod dy chooilley ockle ve jeant mie.

Noo Mian 18:35

Er yn aght shoh myrgeddin nee my Ayr flaunyssagh riuish, mannagh leihee shiu veih nyn greeaghyn dy chooilley ghooinney da e vraar e loghtyn.

Noo Mian 5:44

Agh ta mish gra riu, Bee-jee dooie da nyn noidyn, bannee-jee adsyn ta gwee mollaght diu, jean-jee mie dauesyn ta cur dwoaie diu, as gow-jee padjer er nyn son ocsyn ta dy goanlyssagh jannoo tranlaase erriu:

Noo Mian 6:12

As leih dooin nyn loghtyn, myr ta shin leih dauesyn ta jannoo loghtyn nyn ’oï.

Noo Luke 17:5

As dooyrt ny ostyllyn rish y Chiarn, Bishee yn credjue ainyn.

Romanee 12:20

Shen-y-fa my ta dty noid accryssagh, cur da bee; my t’eh paagh, cur jough da: son liorish jannoo shoh nee oo cruinnaghey smarageyn dy aile er e chione.