Noo Luke 17:10 - Yn Vible Casherick 1775 1819

¹⁰ Myr shen neesht shiuish, tra vees shiu er n’yannoo ooilley ny t’er ny harey diu, abbyr-jee, She sharvaantyn neu-frioosagh shin: ta shin er n’yannoo ynrycan ny va orrin dy yannoo.

Yn Conaant Noa 1810

¹⁰ Myr shen neesht shiuish, tra vees shiu er n’yannoo ooilley ny t’er ny harey diu, abbyr‐jee, She sharvaantyn neu‐frioosagh shin: ta shin er n’yannoo ynrican ny va orrin dy yannoo.

Noo Luke 17:10 ပူးပေါင်းရင်းမြစ်များ

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Isaiah 64:6

Agh ta shin ooilley goll-rish red neu-ghlen, as ta ooilley yn ynrickys ain myr frytlagyn broghe; as ta shin ooilley fioghey myr duillag; as ta’n neu-chairys ain, myr y gheay, er heebey shin ersooyl.

Jeremiah 32:23

As haink ad stiagh ayn, as ve oc ayns nyn gummal; agh cha dug ad biallys da dty choraa, chamoo jimmee ad ayns dty leigh; cha vel ad er n’yannoo veg jeh ooilley ny t’ou er harey daue dy yannoo; shen-y-fa t’ou er choyrt orroo ooilley’n kerraghey trome shoh.

Noo Mian 25:30

As tilg-jee yn charvaant neu-harroogh ayns y dorraghys sodjey mooie: ayns shen vees keayney as snaggeraght feeacklyn.

Noo Luke 17:11

As haink eh gy-kione, myr v’eh er e yurnah gys Jerusalem, dy jimmee eh trooid mean Samaria as Galilee.

Noo Luke 17:9

Vel booise er da’n charvaant shen, son jannoo myr v’eh oardit? Er-lhiam nagh vel.

Romanee 11:35

Ny quoi ta hoshiaght er choyrt da, as bee eh er ny chooilleeney da reesht?

Romanee 3:12

T’ad ooilley er n’gholl ass y raad, t’ad ooilley dyn ymmyd: cha vel fer hene ta jannoo dy mie, cha vel unnane.

Philemon 1:11

Va ayns traa dy row neu-vondeishagh dhyt’s, agh nish vondeishagh dhyt’s as dooys: