Noo Luke 17:1 - Yn Vible Casherick 1775 1819

¹ Eisht dooyrt eh rish e ostyllyn, Cha vod eh ve, agh dy bee oyryn peccah ayn: agh smerg dasyn liorish hig ad.

Yn Conaant Noa 1810

¹ Eisht dooyrt eh rish e ostyllyn, Cha vod eh ve, agh dy bee oyryn peccah ayn: agh smerg dasyn liorish hig ad.

Noo Luke 17:1 ပူးပေါင်းရင်းမြစ်များ

Noo Mian 16:23

Agh hyndaa eshyn, as dooyrt eh rish Peddyr, Ass my enish, y violeyder, t’ou cur ribbey ayns my raad: son cha vel ennaghtyn ayd jeh ny reddyn ta bentyn rish Jee, agh jeh ny reddyn ta bentyn rish deiney.

Noo Mian 18:7

Smerg da’n theihll kyndagh rish oyryn peccah: son shegin da nyn lheid ’ve ayn; agh smerg da’n dooinney, liorish ta’n loght cheet.

Noo Luke 16:31

As dooyrt eh rish, Mannagh der ad geill da Moses as ny phadeyryn, cha greidjagh ad, ga dy n’irragh fer veih ny merriu.

Romanee 14:13

Ny lhig dooin er-y-fa shen briwnys y cheilley ny sodjey: agh kiarail y ghoaill, nagh der dooinney erbee ribbey, ny oyr tuittym ayns raad e vraar.

Romanee 16:17

Nish ta mee guee erriu, vraaraghyn, gow-jee tastey jeusyn ta kyndagh jeh anvea as scammyltyn, ta noi’n chredjue ta shiuish er n’ynsaghey; as chea-jee voue.

1 Corinthianee 10:32

Ny cur-jee oyr erbee dy huittym ayns peccah, edyr da ny Hewnyn, ny da ny Ashoonyn-quaagh, ny da agglish Yee:

1 Corinthianee 11:19

Son shegin da myrgeddin shaghrynys veih’n chredjue ve ny-vud eu, dy vod adsyn ta firrinagh ayns y chredjue v’er nyn gronnaghey nyn mast’ eu.

1 Corinthianee 8:13

Er-y-fa shen my ver ny ta mee gee oyr da my vraar dy huittym ayns peccah, cha n’ee-ym feill choud as s’bio mee, er-aggle dy dayrn-ym my vraar gys peccah.

1 Timothy 4:1

Nish ta’n Spyrryd ginsh dy plain, dy jean paart ayns ny laghyn s’jerree tuittym veih’n chredjue, coyrt geill da spyrrydyn molteyragh, as ynsagh drogh-spyrrydyn;

Ashlish 2:14

Agh ta red ennagh aym dt’oï, er-yn-oyr dy vel ayd ayns shen adsyn ta lhiantyn gys coyrle Balaam, dynsee Balak dy hoiaghey ribbey roish cloan Israel, dy ee reddyn v’er ny ouralley gys jallooyn, as dy chur rish maarderys.

Ashlish 2:20

Ny-yeih, ta reddyn ennagh aym dy choyrt dty lieh, er-y-fa dy vel uss lhiggey da’n ven shen Jezebel, ta goaill urree dy ve ny adeyr, dy ynsaghey as dy chleayney my harvaantyn dy chur rish maarderys, as dy ghoaill commee ayns ny reddyn t’er ny ouralley gys jallooyn.