Noo Luke 16:3 - Yn Vible Casherick 1775 1819

³ Eisht dooyrt y stiurt rish hene, Cre nee’m? son ta my hiarn goaill y stiurtys voym: cha voddym reurey, as dy huill ny dhieyn ta nearey orrym.

Yn Conaant Noa 1810

³ Eisht dooyrt y stiurt rish hene, Cre nee’m? son ta my hiarn goaill y stiurtys voym: cha voddym reurey, as dy huill ny dhieyn ta nearey orrym.

Noo Luke 16:3 ပူးပေါင်းရင်းမြစ်များ

Esther 6:6

Er shoh haink Haman stiagh: as dooyrt y ree rish, Cre vees jeant rish y dooinney, s’gooidsave lesh y ree dy hroggal gys y stayd smoo dy ard-ooashley? (nish smooinee Haman ayns e chree, Quoi ayns smoo ghoghe y ree taitnys dy hroggal gys ard-ooashley syrjey na mee hene?)

Raaghyn Creeney 13:4

Ta annym y litcher geearree: agh cha vel eh cosney monney: agh bee annym y vooinjer tarroogh jeant sonney.

Raaghyn Creeney 15:19

Ta raad y litcher myr cleiy drineagh: agh ta raad yn er-cairagh jeant rea.

Raaghyn Creeney 18:9

Eshyn neesht ta liastey ayns e obbyr, t’eh ny vraar da’n ard-stroialtagh.

Raaghyn Creeney 19:15

Ta litcheraght dy hilgey fer ayns cadley trome, as nee’n annym liastey surranse gortey.

Raaghyn Creeney 20:4

Cha jean y litcher traaue kyndagh rish y feayraght; shen-y-fa shooylee eh ny thieyn ’syn ouyr, agh cha vow eh monney.

Raaghyn Creeney 29:21

Eshyn ta dy keiyn troggal e harvaant veih e aegid, gowee eh er dy ve e vac ec y jerrey.

Isaiah 10:3

Agh cree nee shiuish ayns laa yn cherraghey, as ayns y traartys hig veih foddey? quoi gys nee shiu chea son kemmyrk? as quoi nee nyn merchys y choadey?

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Hosea 9:5

Cre nee shiu er yn ard-laa-feailley, as er laa-feailley casherick y Chiarn?

Noo Mian 20:8

Myr shen tra va’n fastyr er jeet, dooyrt chiarn y gharey-feeyney rish y stiurt echey, Eïe er ny labreeyn, as cur daue nyn vaill, goaill toshiaght veih yn vooinjer s’jerree gys y chied eallagh.

Noo Mark 10:46

As haink ad gys Jericho: as myr v’eh goll magh ass Jericho marish e ostyllyn, as marish earroo mooar dy leih, va Bartimeus doal mac Timeus, ny hoie rish oirr yn raad, shirrey jeirk.

Noo Luke 12:17

As smooinee eh rish hene, gra, Cre share dou jannoo, tra nagh vel boayl tashtee aym dy ghoaill my hroar?

Noo Luke 16:2

As deïe eh er, as dooyrt eh rish, Kys dy vel mee clashtyn shoh jeed? cur coontey jeh dty stiurtys: son cha vod oo ve ny-sodjey dty stiurt,

Noo Luke 16:20

As va boght dy row va enmyssit Lazarus, va ny lhie ec y ghiat echey lane dy hingyn,

Noo Luke 16:22

As haink eh gy-kione, dy dooar y dooinney boght baase, as dy dug ny ainleyn lhieu eh gys oghrish Abraham: hooar y dooinney berchagh myrgeddin baase, as v’eh er ny oanluckey.

Noo Luke 16:4

Shoh ta mee kiarail dy yannoo tra chaill-ym y stiurtys, dy vod paart jeu goaill mee stiagh ayns ny thieyn oc.

Noo Luke 18:4

As son tammylt cha dug eh geill jee: agh ny lurg shen dooyrt eh rish hene, Ga nagh vel mee goaill aggle roish Jee, ny jannoo soiaghey jeh dooinney:

Noo Ean 9:8

Dooyrt ny naboonyn er-y-fa shen, as adsyn va roïe er vakin eh dy row eh doal, Nagh nee shoh eshyn boallagh soie shirrey jeirk?

Jannoo 3:2

As va dooinney dy row va baccagh veih breïn e vayrey, er ny hroggal, as currit ny lhie gagh laa ec y ghiat shen jeh’n chiamble, ta enmyssit Aalin, dy hirrey jeirk orroosyn va goll stiagh ayns y chiamble.

Jannoo 9:6

As v’eh er-creau as fo atchim, as dooyrt eh, Hiarn, cre bailt mee dy yannoo? As dooyrt y Chiarn rish, Irree, as gow gys yn ard-valley, as bee eh inshit dhyt cre ta ort dy yannoo.

2 Thessalonianee 3:11

Son ta shin clashtyn dy vel nyn lheid ayn ta gymmyrkey ad-hene dy liastey ny-vud eu, nagh vel lhie rish thurn y yannoo, agh ta seiy ad-hene ayns cooishyn sleih elley.