Noo Luke 16:2 - Yn Vible Casherick 1775 1819

² As deïe eh er, as dooyrt eh rish, Kys dy vel mee clashtyn shoh jeed? cur coontey jeh dty stiurtys: son cha vod oo ve ny-sodjey dty stiurt,

Yn Conaant Noa 1810

² As deïe eh er, as dooyrt eh rish, Kys dy vel mee clashtyn shoh jeed? cur coontey jeh dty stiurtys: son cha vod oo ve ny‐sodjey dty stiurt,

Noo Luke 16:2 ပူးပေါင်းရင်းမြစ်များ

Ecclesiastes 12:14

Son ver Jee lesh dy chooilley obbyr gys briwnys, marish dy chooilley nhee follit, lhig da ve mie ny sie.

Noo Mian 12:36

Agh ta mee gra riu, Dy chooilley ghrogh-ockle nee deiney y loayrt, dy der ad coontey er y hon ec laa ny briwnys.

Noo Mian 20:8

Myr shen tra va’n fastyr er jeet, dooyrt chiarn y gharey-feeyney rish y stiurt echey, Eïe er ny labreeyn, as cur daue nyn vaill, goaill toshiaght veih yn vooinjer s’jerree gys y chied eallagh.

Noo Luke 12:20

Agh dooyrt Jee rish, Uss ommydan, yn oie noght vees dty annym er ny ghoaill voïd: quoi lesh eisht vees yn chooid shen t’ou uss er jaglym?

Noo Luke 12:42

As dooyrt y Chiarn, Quoi eisht yn stiurt firrinagh as creeney shen nee e hiarn y yannoo ny er-reill er lught e hie, dy hirveish orroo nyn meaghey ayns traa cooie?

Noo Luke 16:1

As dooyrt eh myrgeddin rish e ostyllyn, Va dooinney berchagh dy row as stiurt echey, va er ny chassid huggey son jummal e chooid.

Noo Luke 16:3

Eisht dooyrt y stiurt rish hene, Cre nee’m? son ta my hiarn goaill y stiurtys voym: cha voddym reurey, as dy huill ny dhieyn ta nearey orrym.

Romanee 14:12

Myr shen eisht shegin dooin ooilley coontey choyrt j’in hene gys Jee.

1 Corinthianee 1:11

Son te er ny ve soilshit dooys mychione eu, my vraaraghyn, lioroosyn jeh lught-thie Chloe, dy vel streeuaghyn nyn mast’ eu.

1 Corinthianee 4:2

Ny sodjey, te currym er ny yerkal rish ayns stiurtyn dy bee dooinney er ny gheddyn firrinagh.

1 Corinthianee 4:5

Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Corinthianee 5:10

Son shegin dooin ooilley shassoo fenish stoyl-briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

1 Timothy 4:14

Ny bee mee-rioosagh jeh’n ghioot t’aynyd, va er ny chur dhyt liorish phadeyrys, tra hie oo fo laueyn ny shirveishee casherick.

1 Timothy 5:24

Ta peccaghyn paart dy gheiney er ny hoilshaghey ro-laue, goll rhymboo gys briwnys; as paart dy gheiney t’ad cheet nyn yeï.

1 Peddyr 4:10

Myr ta dy chooilley ghooinney er gheddyn yn gioot, dy jarroo myr shen rheynn-jee eh yn derrey yeh er y jeh elley, myr stiurtyn mie jeh ymmodee-filley grayse Yee.

1 Peddyr 4:5

Shegin coontey choyrt dasyn ta aarloo dy vriwnys ny bioee as ny merriu.

Ashlish 20:12

As honnick mee ny merriu, beg as mooar, nyn shassoo fenish Yee; as va ny lioaryn foshlit: as va lioar elley foshlit, ta lioar y vea: as va ny merriu er nyn mriwnys liorish ny reddyn shen va scruit ayns ny lioaryn, cordail rish nyn obbraghyn.