Noo Luke 15:4 - Yn Vible Casherick 1775 1819

⁴ Quoi yn dooinney ny mast’ euish ta keead keyrrey echey, as coayl unnane jeu, nagh vel eh faagail yn chiare-feed as yn nuy-jeig ayns yn aasagh, as goll dy hirrey yn cheyrrey chailjey, derrey t’eh dy gheddyn ee?

Yn Conaant Noa 1810

⁴ Quoi yn dooinney ny mast’ euish ta keead keyrrey echey, as coayl unnane jeu, nagh vel eh faagail yn chiare‐feed as yn nuy jeig ayns yn aasagh, as goll dy hirrey yn cheyrrey chailjey, derrey t’eh dy gheddyn ee?

Noo Luke 15:4 ပူးပေါင်းရင်းမြစ်များ

Psalmyn 119:176

Ta mee er n’gholl er-shaghryn myr keyrrey chailjey: O cur lhiat thie dty harvaant; son cha vel mee jarrood dty annaghyn.

Isaiah 53:6

Ta shinyn ooilley, myr kirree, er n’gholl er-shaghryn; ta shin er jyndaa dagh unnane ain gys e raad hene; as ta’n Chiarn er lhie ersyn yn loght ain ooilley.

Jeremiah 33:13

Ayns baljyn ny sleityn, ayns baljyn ny glionney, as ayns baljyn y jiass, as ayns cheer Venjamin, as ayns ny ardjyn mygeayrt Jerusalem, as ayns ard-valjyn Yudah, nee ny shioltaneyn goll reesht fo ny laueyn echeysyn ta dy choontey ad, ta’n Chiarn dy ghra.

Jeremiah 50:6

Ta my phobble er ve kirree cailjey; ta ny bochillyn oc er lhiggey daue goll er-shaghryn, t’ad er hyndaa ad ass y raad er ny sleityn: t’ad er n’gholl veih slieau gys cronk, t’ad er yarrood nyn aber hene.

Ezekiel 34:16

Nee’m shirrey son shen va caillit, as ver-ym lhiam reesht shen v’er-shaghryn, as soïll-ym seose shen va brisht, as niartee-ym shen va doghanit: agh stroie-ym ny mooaralee, as y lajer, as lesh briwnys jeeagh-yms nyn yeï.

Ezekiel 34:31

Nish ta shiuish, my hioltane, eer shioltane my aber, ny deiney, as ta mish yn Jee euish, ta’n Chiarn dy ghra.

Ezekiel 34:4

Shen va annoon cha vel shiu er niartaghey, chamoo ta shiu er lheihys shen ny va doghanit, chamoo ta shiu er hoïlley seose shen ny va brisht, chamoo ta shiu er chur lhieu reesht shen ny va er-shaghryn, chamoo ta shiu er hirrey son shen ny va caillit; agh lesh tranlaase as dewilys ta shiu er reill ad.

Ezekiel 34:8

Myr ta mee bio, ta’n Chiarn Jee dy ghra, son shickyrys, er-yn-oyr dy daink my hioltane dy ve spooilley, as son bee da dy chooilley veisht jeh’n vagher, er son nagh row bochilley orroo, chamoo ren ny bochillyn shirrey son my hioltane, agh ren ny bochillyn beaghey ad-hene, as cha ren ad fassagh yn chioltane.

Noo Mian 12:11

As dooyrt eh roo, Quoi yn dooinney ny mast’ eu, vees un cheyrrey echey, as my huittys ee ayns jeeg er y doonaght, nagh daare eh greme urree, as nagh drog eh ass ee?

Noo Luke 13:15

Eisht dreggyr y Chiarn eh, gra, Er-crauee-oalsey, nagh vel dagh fer jiuish er y doonaght feaysley e ghow ny e assyl veih’n staik, as dy chur lesh magh dy ushtaghey eh?

Noo Luke 15:3

As loayr eh yn coraa-dorraghey shoh roo, gra,

Noo Luke 19:10

Son ta Mac y dooinney er jeet dy hirrey as dy hauail shen ny va caillit.

Romanee 2:1

Shen-y-fa t’ou fegooish leshtal, O ghooinney, quoi-erbee oo hene ta briwnys: son ayns ny t’ou briwnys fer elley, t’ou deyrey oo hene; son uss ta briwnys, t’ou jannoo ny reddyn cheddin.

1 Peddyr 2:25

Son va shiu myr kirree goll er-shaghryn; agh ta shiu nish er jyndaa reesht gys Bochilley as Aspick nyn anmeenyn.