Noo Luke 13:34 - Yn Vible Casherick 1775 1819

³⁴ O Yerusalem, Yerusalem, ta cur dy baase ny phadeyryn, as dyn glaghey adsyn t’er nyn goyrt er chaghteraght hood: cre cha mennick as va mish aggindagh v’er haglym dty chloan cooidjagh, myr ta kiark clussaghey e aalagh fo my skianyn, agh cha bailliu shen!

Yn Conaant Noa 1810

³⁴ O Yerusalem, Yerusalem, ta cur dy baase ny phadeyryn, as dyn glaghey adsyn te’r nyn goyrt er chaghteraght hood: cre cha mennick as va mish aggindagh v’er haglym dty chloan cooidjagh, myr ta kiark clussaghey e aalagh fo my skianyn, agh cha bailliu shen!

Noo Luke 13:34 ပူးပေါင်းရင်းမြစ်များ

Nehemiah 9:26

Son shoh as ooilley v’ad mee-viallagh, as dirree ad magh dt’oï, as hilg ad dty leigh cheu nyn gooylloo, as varr ad dt’adeyryn, ren gymmyrkey feanish nyn ’oï, dy hyndaa ad hood’s, as ren ad uss dy mooar y vrasnaghey.

Nehemiah 9:30

Foast, dymmyrk oo lhieu ry bleeantyn foddey, gymmyrkey feanish nyn ’oï liorish dty spyrryd ayns dty adeyryn: ny-yeih, cha n’eaishtagh ad: er-yn-oyr shen livrey oo ad gys laue pobble ny cheeraghyn.

Psalmyn 149:2

Lhig da Israel boggey ’ghoaill aynsyn ren eh y chroo: as lhig da cloan Sion ’ve gennal ayns nyn Ree.

Psalmyn 17:8

Jean m’y reayll myr clagh ny sooilley: follee mee fo scaa dty skianyn.

Psalmyn 36:7

Coadee uss, Hiarn, chammah dooinney as baagh; Cre cha ooasle ta dty vyghin, O Yee: as ver cloan gheiney nyn marrant fo scaa dty skianyn.

Psalmyn 57:1

Bee myghinagh dooys, O Yee, bee myghinagh dou, son ta m’annym treishteil aynyd: as fo scaa dty skianyn vees my chemmyrk derrey vees y tranlaase shoh er n’gholl shagh-ym.

Psalmyn 81:13

Myr shen livrey mee ad seose gys sayntyn nyn greeaghyn hene: as lhig mee daue geiyrt er ny smooinaghtyn fardalagh oc hene.

Psalmyn 91:4

Nee eh uss y choadey fo e skianyn, as bee oo sauchey fo ny fedjagyn echey: e irrinys as e ynrickys vees dty eïlley as dt’endeil.

Isaiah 30:15

Son shoh myr ta’n Chiarn Jee dy ghra, Jee casherick Israel, Ayns caghlaa coyrle as fea bee shiu ayns sauchys; ayns shee as ayns treishteil vees nyn marriaght; agh cha goghe shiu coyrle:

Isaiah 50:2

Kys ve, tra haink mee, nagh row dooinney erbee? tra deïe mee, nagh ren fer freggyrt? Vel my laue cha giare shen, nagh voddym livrey? as nagh vel pooar aym dy hauail? cur-my-ner, ec my oghsan ta mee chyrmaghey seose yn aarkey, ta mee chyndaa ny awinyn gys faasagh: ta’n eeast oc breinnaghey laccal ushtey, as goll naardey ’sy chyrmid.

Jeremiah 2:30

Ayns fardail ta mee er smaghtaghey nyn gloan, nagh beagh er nyn gerraghey: ta’n cliwe eu hene, myr lion stroialtagh, er varroo nyn adeyryn.

Jeremiah 26:23

As hug ad lhieu Urijah veih Egypt; as livrey ad eh gys laue y ree, hug er dy ve er ny varroo lesh y chliwe, as e chorp marroo dy ve er ny oanluckey ayns oaiaghyn ny kimmee.

Jeremiah 35:14

Ta sarey Yonadab mac Rechab jeant mie, myr doardee eh da e vec, gyn feeyn y iu; son gys y laa jiu cha vel ad giu veg, agh t’ad freayll sarey nyn ayr: ny-yeih ta mish er loayrt riuish, girree dy moghey as loayrt; agh cha dug shiu geill dou.

Jeremiah 35:17

Shen-y-fa shoh myr ta’n Chiarn, Jee ny flaunyssee, Jee Israel, dy ghra, Cur-my-ner, ver-yms lhiam er Judah, as er ooilley cummaltee Yerusalem, ooilley ny huilk ta mee er n’ockley magh nyn ’oï: er-yn-oyr dy vel mee er loayrt roo, agh cha dug ad clashtyn dou; as ta mee er n’eamagh orroo, agh cha vel ad er my reggyrt.

Jeremiah 6:16

Myr shoh ta’n Chiarn dy ghra, shass-jee ayns ny raaidyn as shir-jee, as brie-jee son ny shenn cassanyn, eer yn raad mie shen, as eiyr-jee er, as yiow shiu fea gys nyn anmeenyn. Agh dooyrt ad, Cha jean mayd gimmeeaght ayndoo.

Dobberan 1:16

Son ny oyryn shoh ta my hrimshey, ta my hooill, ta my hooill roie lesh ushtey, son dy vel gerjeyder m’annym foddey voym: my chloan’s ta treigit er-y-fa dy vel y noid er ghoaill niart orrym.

Dobberan 4:13

Kyndagh rish peccaghyn e phadeyryn, as mee-chairys e haggyrtyn, t’er gheayrtey fuill yn vooinjer ynrick ayns y vean eck;

Hosea 11:2

Myr smoo deïe mee orroo, wheesh shen sodjey hie ad voym: ren ad ouralley gys Baalim, as lostey incense gys jallooyn grainnit.

Hosea 11:7

As ta my phobble soit er skyrraghtyn voym; ga dy row eam oc gys yn er smoo syrjey, cha dug fer erbee ard-voylley da.

Joel 2:23

Bee-jee gennal eisht, shiuish chloan Zion, as gow-jee boggey ayns y Chiarn y Jee eu: son t’eh er chur diu fliaghey cooie yn imbagh, ayns frassyn meeney, as ver eh er y fliaghey dy heet neose er nyn son eu, fliaghey toshiaght as jerrey ny bleeaney.

Zechariah 1:4

Ny bee-jee myr nyn ayraghyn, dauesyn deïe ny shenn phadeyryn, gra, Myr shoh ta Chiarn ny flaunyssee, gra, Chyndaa-jee nish voish nyn ghrogh raaidyn, as voish nyn ghrogh-yannoo: agh cha dug ad clashtyn, chamoo deaisht ad rhym’s, ta’n Chiarn dy ghra.

Noo Mian 22:3

As hug eh magh e harvaantyn dy eamagh orroosyn va cuirt gys y vannish: as cha bailliu cheet.

Noo Mian 22:6

As ghow yn chooid elley ny sharvaantyn echey, as ghell ad dy elgyssagh roo, as varr ad ad.

Noo Luke 15:28

As v’eh feer chorree, as cha baillish goll stiagh: shen-y-fa haink e ayr magh, as vreag eh eh.

Noo Luke 19:44

As lhieggee ad oo kiart rish y thalloo, as dty chloan cheu-sthie jeed; as cha vaag ad aynyd un chlagh er clagh elley: er-yn-oyr nagh dug oo tastey da’n earish haink mish dy dty yeeaghyn.

Noo Luke 23:28

Agh hyndaa Yeesey huc, as dooyrt eh, Inneenyn Yerusalem, ny keayn-jee er my hon’s, agh keayn-jee er nyn son hene, as son nyn gloan.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro-laue jeh cheet yn Er cairagh, eh ta shiuish nish er vrah as er ghunverys:

Jannoo 7:59

As chlagh ad Steaon, geamagh er Jee, as gra, Hiarn Yeesey, gow hood my annym.

Jannoo 8:1

As va aigney Saul lhieu ayns y choyrt eh gy-baase. As ec y traa shen va tranlaase er ny yannoo er yn agglish va ec Jerusalem; as v’ad ooilley er nyn skeayley magh trooid cheeraghyn Yudea as Samaria, cheu-mooie jeh ny ostyllyn.

Deuteronomy 32:29

O dy beagh ad creeney, dy doiggagh ad shoh, dy goghe ad gys nyn gree nyn laghyn jerrinagh!

Deuteronomy 5:29

O dy beagh lheid y cree ayndoo, dy goghe ad aggle roym, as dy vreillagh ad ooilley my annaghyn dy kinjagh, dy voddagh ad hene as nyn gloan ve maynrey son dy bragh!

Ashlish 11:8

As nee ny kirp marroo oc lhie ayns straïd yn ard-valley vooar, ta ayns aght spyrrydoil enmyssit Sodom as Egypt, raad myrgeddin va nyn Jiarn er ny chrossey.

Ruth 2:12

Dy jean y Chiarn dty chooilleeney son dty obbyr, as dy bee slane leagh er ny choyrt dhyt veih’n Chiarn Jee Israel, fo ny skianyn echey t’ou coyrt dty varrant.