Noo Luke 12:7 - Yn Vible Casherick 1775 1819

⁷ Agh ta eer renaigyn nyn ghing ooilley er nyn earroo. Ny gow-jee aggle er-y-fa shen: ta ny smoo dy ve soit jiuish, na jeh ymmodee sperriu.

Yn Conaant Noa 1810

⁷ Agh ta eer renaigyn nyn ghing ooilley er nyn earroo. Ny gow‐jee aggle er‐y‐fa shen: ta ny smoo dy ve soit jiuish, na jeh ymmodee sperriu.

Noo Luke 12:7 ပူးပေါင်းရင်းမြစ်များ

2 Samuel 14:11

Eisht dooyrt ish, Ta mee guee ort, lhig da’n ree cooinaghtyn er y Chiarn dty Yee, nagh surr oo ny cooilleeneyderyn-folley dy gholl er nyn doshiaght, nagh stroie ad my vac. As dooyrt eh, Myr ta’n Chiarn bio, cha duitt un renaig jeh kione dty vac gys y thalloo.

Lioar Yob 35:11

Ta gynsaghey shin ny smoo na maase y vagheragh, as jannoo shin ny s’creeney na eeanlee’n aer?

Psalmyn 8:6

T’ou coyrt dasyn yn reill harrish obbraghyn dty laueyn: as er choyrt dy chooilley nhee ayns biallys fo e chassyn;

Noo Mian 12:12

Nagh vel dooinney eisht foddey share na keyrrey? Shen-y-fa te lowal dy yannoo mie er y doonaght.

Noo Mian 6:26

Cur-jee my-ner eeanlee yn aer: son cha vel ad cuirr ny buinn, ny chymsaghey stiagh ayns soaltyn; foast ta nyn Ayr flaunyssagh dyn meaghey ad. Nagh vel shiuish foddey share na adsyn?

Noo Luke 21:18

Agh cha jed wheesh renaig jeh nyn ghing naardey.

Jannoo 27:34

Shen-y-fa my choyrle’s eh shiu dy ghoaill beaghey; son te cour nyn slaynt: son cha duitt wheesh renaig jeh kione unnane eu.

1 Samuel 14:45

As dooyrt y pobble rish Saul, Bee Jonathan er ny choyrt gy-baase, ta er n’obbraghey lheid y varriaght mooar shoh ayns Israel? Ny lhig eh Jee: myr ta’n Chiarn bio, cha jean un renaig jeh e chione tuittym gys y thalloo; son t’eh er n’obbraghey marish Jee yn laa shoh. Myr shen ren y pobble Jonathan y hauail, nagh dooar eh baase.