Noo Luke 12:5 - Yn Vible Casherick 1775 1819

⁵ Agh ver-yms raaue diu quoi roish ghoys shiu aggle: Gow-jee aggle roishyn, echey ta pooar, erreish da v’er varroo dy hilgey ayns niurin; dy jarroo ta mee dy ghra riu, Gow-jee aggle roishyn.

Yn Conaant Noa 1810

⁵ Agh ver‐yms raaue diu quoi roish ghoys shiu aggle: Gow‐jee aggle roishyn, echey ta pooar, erreish da v’er varroo dy hilgey ayns niurin; dy jarroo ta mee dy ghra riu, Gow‐jee aggle roishyn.

Noo Luke 12:5 ပူးပေါင်းရင်းမြစ်များ

Psalmyn 9:17

Bee ny drogh-yantee er nyn jyndaa gys niurin: as ooilley yn sleih ta jarrood Jee.

Raaghyn Creeney 14:26

Ayns aggle y Chiarn ta shickyrys treishteil: as ec y chloan echey vees boayl dy chemmyrk.

Jeremiah 10:7

Quoi nagh goghe aggle royd’s, O ree ny ashoonyn? son dhyt’s te cair: son wheesh as mastey ooilley deiney creeney ny ashoonyn, as ayns ooilley nyn reeriaghtyn, cha vel unnane erbee goll rhyt’s.

Jeremiah 41:18

Kyndagh rish ny Caldeanee: son v’ad ayns aggle roue, er-yn-oyr dy row Ishmael mac Nethaniah er varroo Gedaliah mac Ahikam, eh va ree Vabylon er n’yannoo kiannoort ny cheerey.

Jeremiah 5:22

Nagh jean-jee aggle y ghoaill roym’s? ta’n Chiarn dy ghra: nagh bee shiu er-creau ec my enish, t’er hoiaghey yn gheinnagh son cagliagh ny marrey, liorish sarey shickyr, nagh jed eh harrish; as ga dy vel ny tonnyn eck troggal ad-hene dy ard, ny-yeih cha vod ad goll harrish; ga s’mooar y feiyr t’ad dy yannoo, ny-yeih cha jarg ad goll ny-sodjey?

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee-jee ayns aggle smoo roishyn oddys annym as callin neesht y stroie ayns niurin.

Noo Mian 25:41

Eisht jir eh roosyn myrgeddin er y laue chiare, Immee-jee voym, chloan chustey gys yn aile dy bragh farraghtyn, kiarit son y drogh-spyrryd as e ainleyn.

Noo Mian 25:46

As hed ad shoh ersooyl gys y kerraghey dy bragh farraghtyn: agh y chloan chairagh gys y vea veayn.

Noo Mian 5:22

Agh ta mish gra riuish, Quoi-erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi-erbee jir rish e vraar, Raca: dy jig eh fo briwnys yn ard-whuaiyl: agh quoi-erbee jir, Uss ommydan, dy bee eh ayns gaue aile niurin.

Noo Mark 13:23

Agh gow-jee tastey: cur-jee my-ner, ta mish er n’insh diu dy chooilley nhee ro-laue.

1 Thessalonianee 4:6

Nagh lhisagh dooinney erbee vondeish y ghoaill er e vraar as eh y voylley ayns cooish erbee: er-yn-oyr dy nee yn Chiarn ta goaill cooilleen er ooilley nyn lheid, myr ta shin er n’insh diu ro-laue, as er hoilshaghey.

Hebrewnee 10:31

Te red agglagh dy huittym ayns laueyn y Jee bio.

2 Peddyr 2:4

Son mannagh ren Jee sparail ny ainleyn ren peccah, agh hilg eh ad sheese gys niurin, as livrey eh ad gys geulaghyn dy ghorraghys, dy ve freilt cour briwnys;

Ashlish 14:7

Gra lesh ard-choraa, Gow-jee aggle roish Jee, as cur-jee gloyr da; son ta oor y vriwnys echey er jeet: as cur-jee ooashley dasyn chroo niau as thalloo, as yn aarkey, as ny farraneyn ushtey.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty-lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.

Ashlish 20:14

As va’n baase as yn oaie er nyn dilgey ayns y logh dy aile: Shoh’n nah vaase.