Noo Luke 11:41 - Yn Vible Casherick 1775 1819

⁴¹ Agh cur-jee lheid as t’eu da ny boghtyn: as cur-my-ner, bee dy chooilley nhee glen diu.

Yn Conaant Noa 1810

⁴¹ Agh cur‐jee lheid as t’eu da ny boghtyn: as cur‐my‐ner, bee dy chooilley nhee glen diu.

Noo Luke 11:41 ပူးပေါင်းရင်းမြစ်များ

Psalmyn 112:9

T’eh er skeayley dy lhean, as er choyrt da ny boghtyn: as ta e chairys farraghtyn son dy bragh; bee’n ennym echey er ny hoiaghey seose lesh ooashley.

Psalmyn 41:1

Bannit t’eshyn ta smooinaghtyn er y voght as yn ymmyrchagh: nee’n Chiarn eshyn y livrey ayns traa e heaghyn.

Raaghyn Creeney 14:31

Eshyn ta tranlaasagh er y voght, t’eh goltooan e Er-croo: agh t’eh coyrt ooashley dasyn ta chymmoil er ny boghtyn.

Raaghyn Creeney 16:6

Liorish myghin as firrinys ta mee-chairys er ny chastey, as liorish aggle y Chiarn ta sleih shaghney olk.

Raaghyn Creeney 19:17

Eshyn ta giastyllagh da ny boghtyn, t’eh geeasaght da’n Chiarn: as son shen t’eh myr shoh dy vaarail, bee eh er ny eeck da reesht.

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Noo Mian 26:11

Son ta ny boghtyn eu kinjagh mêriu, agh mish cha vel eu kinjagh.

Noo Mian 5:42

Cur dasyn ta jannoo aghin hood, as veihsyn ta shirrey geeasaght voïd, ny chyndaa ersooyl.

Noo Mark 7:19

Er-y-fa nagh vel eh goll stiagh ayns y chree; agh ayns y volg, as goll magh trooid y chorp, glenney dy chooilley veaghey?

Noo Luke 12:33

Creck-jee ny t’eu, as cur-jee da ny boghtyn: kiare-jee diu hene sporranyn nagh n’aase shenn, berchys ayns ny niaughyn nagh vel failleil, raad nagh vel y maarliagh cheet er-gerrey, ny’n lhemeen cur mow.

Noo Luke 16:9

As ta mee gra riu, Jean-jee diu hene caarjyn liorish y mammon molteyragh; tra nee shiu failleil, dy vod ad shiu y ghoaill stiagh gys ny ynnydyn-vaghee dy bragh farraghtyn.

Noo Luke 18:22

Nish tra cheayll Yeesey shoh, dooyrt eh rish, Ta foast ort un red y yannoo: creck as rheynn ooilley ny t’ayd er ny boghtyn, as bee berchys ayd ayns niau: as tar, as eiyr orrym’s.

Noo Luke 19:8

As hass Zaccheus magh, as dooyrt eh rish y Chiarn, Cur-my-ner, Hiarn, yn derrey lieh jeh my chooid ta mee dy choyrt da ny boghtyn: as my ta mee er ghoaill red erbee dy molteyragh veih dooinney erbee, ta mee jannoo lhiassaghey kiare-filley da.

Jannoo 10:15

As loayr y coraa rish reesht yn nah cheayrt, Shen ta Jee er ghlenney, ny enmys uss cadjin.

Jannoo 11:29

Eisht ghow ny Creesteenyn ayns laue, dy chooilley ghooinney gys rere e phooar, dy chur cooney gys ny braaraghyn va baghey ayns Judea.

Jannoo 24:17

Nish lurg mooarane bleeantyn, haink mee dy chur lhiam jeirk gys my ashoon hene, as ourallyn.

2 Corinthianee 8:12

Son my ta’n aigney hoshiaght arryltagh, ta soiagh jeant jeh cordail rish fort y dooinney, as cha nee cordail rish shen nagh vel echey.

Ephesianee 4:28

Lhig dasyn ren geid, gyn geid arragh; agh ny sleaie lhig da laboragh, gobbraghey lesh e laueyn shen ny ta mie, dy vod ve echey dy choyrt da’n ymmyrchagh.

Titus 1:15

Dauesyn ta glen ta dy chooilley nhee glen, agh dauesyn ta neu-ghlen, as mee-chredjuagh, cha vel nhee erbee glen; agh ta eer nyn aigney as nyn gooinsheanse neu-ghlen.

Hebrewnee 13:16

Agh dy yannoo mie, as dy rheynn [er ny boghtyn], ny jarrood-jee: son lesh lheid ny ourallyn ta Jee er ny yannoo booiagh.

Hebrewnee 6:10

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo.]

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.