Noo Luke 10:16 - Yn Vible Casherick 1775 1819

¹⁶ Eshyn eaishtys riuish, t’eh geaishtagh rhym’s: as eshyn ta soiaghey beg jiuish, t’eh soiaghey beg jeem’s: as eshyn ta soiaghey beg jeem’s, t’eh soiaghey beg jehsyn ta er my choyrt.

Yn Conaant Noa 1810

¹⁶ Eshyn eaishtys riuish, t’eh geaishtagh rhym’s: as eshyn ta soiaghey beg jiuish, t’eh soiaghey beg jeem’s: as eshyn ta soiaghey beg jeem’s, t’eh soiaghey beg jehsyn ta er my choyrt.

Noo Luke 10:16 ပူးပေါင်းရင်းမြစ်များ

Exodus 16:7

As ’sy voghrey, eisht nee shiu fakin gloyr y Chiarn; son dy vel eh clashtyn y plaiynt eu noi’n Chiarn; as cre ta shinyn dy vel shiu girree magh nyn ’oï?

Exodus 16:8

As dooyrt Moses, Shoh myr vees eh, tra ver y Chiarn diuish ec yn astyr feill dy ee, as ayns y voghrey nyn saie arran; son dy vel y Chiarn clashtyn y plaiynt ta shiu jannoo n’oï? as cre ta shinyn? cha nee noi ainyn ta’n plaiynt eu; agh noi’n Chiarn.

Malachi 1:6

Ta mac arrymagh da e ayr, as ta sharvaant ammyssagh da e vainshtyr, my she ayr mee er-y-fa shen, cre vel my arrym? as my she mainshtyr mee, cre vel my ammys? ta Chiarn Jee ny flaunyssee dy ghra riuish haggyrtyn, ta soiaghey beg jeh my ennym’s, foast ta shiu gra, Cre ayn ta shin er hoiaghey beg jeh dty ennym’s?

Earrooyn 14:11

As dooyrt y Chiarn rish Moses, Caïd nee’n pobble shoh mish y vrasnaghey? as caïd vees eh, nagh jean ad m’y chredjal, son ooilley ny cowraghyn ta mee er hoilshaghey ny mast’ oc?

Earrooyn 14:2

As ren ooilley cloan Israel plaiynt noi Moses, as noi Aaron: as dooyrt y slane cheshaght roo, Dy baillish Jee dy beagh shin er gheddyn baase ayns Egypt, ny dy baillish Jee dy row shin er gheddyn baase ayns yn aasagh shoh.

Earrooyn 16:11

Er y choontey cheddin, ta chammah oo hene, as ooilley dty heshaght er nyn jaglym cooidjagh noi’n Chiarn: as cre ta Aaron, dy vel shiu plaiynt n’oï?

Noo Mian 10:40

Eshyn ta soiaghey jiuish, t’eh soiaghey jeem’s: as eshyn ta soiaghey jeem’s, t’eh soiaghey jehsyn t’er my choyrt.

Noo Mian 18:5

As quoi-erbee nee soiaghey jeh lheid y lhiannoo beg shoh ayns yn ennym aym’s, t’eh jannoo soiaghey jeem’s.

Noo Mark 9:37

Quoi-erbee nee soiaghey jeh unnane dy lheid y chloan shoh, t’eh soiaghey jeem’s: as quoi-erbee nee soiaghey jeem’s, cha nee jeem’s t’eh soiaghey, agh jehsyn t’er my choyrt.

Noo Luke 9:48

As dooyrt eh roo, Quoi-erbee nee soiaghey jeh’n lhiannoo shoh ayns m’ennym’s, t’eh jannoo soiaghey jeem’s: as quoi-erbee nee soiaghey jeem’s, t’eh soiaghey jehsyn t’er my choyrt: son eshyn sloo ta nyn mast’ eu ooilley, eshyn syrjey vees.

Noo Ean 12:44

Hrog Yeesey seose e choraa as dooyrt eh, Eshyn ta credjal aynym’s, cha nee aynym’s t’eh credjal, agh aynsyn t’er my choyrt.

Noo Ean 12:48

Eshyn ta soiaghey beg jeem’s, as nagh vel goaill rish my ghoan, ta shen echey ta dy vriwnys eh: eer yn goo ta mish er loayrt, nee shen y vriwnys eh ec y laa jerrinagh.

Noo Ean 13:20

Dy firrinagh firrinagh ta mee gra riu, Eshyn ta jannoo soiagh jeh quoi-erbee ta mee dy choyrt, t’eh jannoo soiagh jeem’s: as eshyn ta soiaghey jeem’s, t’eh soiaghey jehsyn t’er my choyrt.

Jannoo 5:4

Choud as ve dyn chreck, nagh row eh lhiat hene? as erreish da ve creckit, nagh row eh ayns dty phooar hene? cre’n-fa t’ou er smooinaghtyn er lheid y red ayns dty chree? cha nee gys deiney t’ou er n’yannoo breg, agh gys Jee.

Galatianee 4:14

As y trial va mee fo ayns my chorp, cha ren shiu soiaghey beg jeh, ny cur cooyl rhym er y hon; agh ren shiu goaill rhym myr chaghter veih Jee, dy jarroo myr Creest Yeesey.

1 Thessalonianee 4:8

Eshyn er-y-fa shen ta soiaghey beg, cha vel eh soiaghey beg jeh dooinney, agh jeh Jee, ta myrgeddin er choyrt dooinyn e Spyrryd casherick.