Noo Luke 10:13 - Yn Vible Casherick 1775 1819

¹³ Smerg dhyt’s Chorazin, smerg dhyt’s Vethsaida: son dy beagh ny obbraghyn yindyssagh er ve jeant ayns Tyre as Sidon, t’er ny ve jeant ayndiuish, veagh ad er ghoaill arrys foddey er-dy-henney ayns aanrit-sack as leoie.

Yn Conaant Noa 1810

¹³ Smerg dhyt’s Chorazin, smerg dhyt’s Vethsaida: son dy beagh ny obbraghyn yindyssagh er ve jeant ayns Tyre as Sidon, t’er ny ve jeant ayndiuish, veagh ad er ghoaill arrys foddey er dy henney ayns aanrit‐sack as leoie.

Noo Luke 10:13 ပူးပေါင်းရင်းမြစ်များ

Lioar Yob 42:6

Shen-y-fa ta dwoaie aym orrym pene, as ta mee goaill arrys ayns joan as leoie.

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Ezekiel 26:1

As haink eh gy-kione ’syn un vleïn jeig, er yn chied laa jeh’n vee, dy daink goo yn Chiarn hym’s, gra,

Daniel 9:3

As hrog mish my eddin gys y Chiarn Jee, dy yeearree liorish padjer as accanyn, lesh trostey as aanrit-sack, as leoie.

Amos 1:9

Shoh myr ta’n Chiarn dy ghra, son three ard-pheccaghyn Tyrus, as son kiare cha jyndaa-ym ersooyl e cherraghey: er-yn-oyr dy livrey ad seose yn slane cappeeys gys Edom, as nagh chooinee ad er yn conaant braaragh.

1 Timothy 4:2

Ginsh vreagyn ayns craueeaght-foalsey, yn chooinsheanse oc creoghit lesh yiarn jiarg;

Ashlish 11:3

As ver-yms pooar da my ghaa eanish, as nee ad phadeyrys thousane daa cheead as three-feed laa coamrit ayns aanrit-sack.