Noo Luke 1:9 - Yn Vible Casherick 1775 1819

⁹ Cordail rish cliaghtey oik y taggyrt, dy haghyr eh dy ve yn currym echey dy lostey oural-millish, tra v’eh goll stiagh ayns chiamble y Chiarn.

Yn Conaant Noa 1810

⁹ Cordail rish cliaghtey oik y taggyrt, dy haghyr eh dy ve yn currym echey dy lostey oural‐millish, tra v’eh goll stiagh ayns chiamble y Chiarn.

Noo Luke 1:9 ပူးပေါင်းရင်းမြစ်များ

1 Recortyssyn 23:13

Mec Amram; Aaron as Moses: as va Aaron soit er-lheh, dy hirveish ayns yn ynnyd smoo casherick, eh-hene as e vec dy kinjagh, dy hebbal incense kiongoyrt rish y Chiarn, dy yannoo shirveish da, as dy vannaghey ayns e ennym son dy bragh.

1 Recortyssyn 6:49

Agh ren Aaron as e vec chebbal er altar yn oural-losht, as er altar yn incense, as dy yannoo slane shirveish yn ynnyd smoo casherick, as dy yannoo lhiasaghey son Israel, cordail rish ooilley, ny va Moses sharvaant Yee er harey.

2 Recortyssyn 26:16

Agh ayns mooads e niart, va e chree troggit seose gys e hoyrt-mow: son ren eh peccah noi’n Chiarn e Yee, liorish goll stiagh ayns chiamble y Chiarn, dy hebbal incense er altar yn oural-millish.

2 Recortyssyn 29:11

My chloan, ny bee-jee nish almoragh: son ta’n Chiarn er reih shiuish dy hassoo kiongoyrt rish, dy hirveish eh, dy choyrt ooashley da, as dy hebbal oural.

Earrooyn 16:40

Dy ve son cooinaghtyn da cloan Israel, nagh jig joarree erbee, nagh vel jeh sluight Aaron, er-gerrey dy hebbal incense roish y Chiarn; nagh bee eh myr Korah, as e heshaght: myr dooyrt y Chiarn rish, liorish laue Voses.

Noo Mian 27:5

As hilg eh sheese ny peeshyn argid ayns y chiamble, as jimmee eh roish, as hie eh as ren eh eh-hene y chroghey.

Hebrewnee 9:6

Nish tra va ny reddyn shoh soit magh er yn aght shoh, hie ny saggyrtyn gagh laa stiagh ayns y chied ayrn jeh’n cabbane-agglish, cooilleeney shirveish Yee:

1 Samuel 2:28

As ren mee eshyn y reih ass ooilley tribeyn Israel dy ve my haggyrt, dy hebbal er m’altar, dy lostey incense, dy ve coamrit lesh ephod ayns my enish? as dug mee da thie dt’ayrey ooilley ourallyn cloan Israel jeant lesh aile?