Noo Luke 1:8 - Yn Vible Casherick 1775 1819

⁸ As haink eh gy-kione, choud as v’eh cooilleeney oik y taggyrt kiongoyrt rish Jee, myr va e choorse er jeet magh,

Yn Conaant Noa 1810

⁸ As haink eh gy‐kione, choud as v’eh cooilleeney oik y taggyrt kiongoyrt rish Jee, myr va e choorse er jeet magh,

Noo Luke 1:8 ပူးပေါင်းရင်းမြစ်များ

1 Recortyssyn 24:19

Shoh myr va’n chirveish er ny oardrail dy heet stiagh gys thie’n Chiarn, cordail rish nyn goorse, fo Aaron nyn shenn-ayr, myr va’n Chiarn Jee Israel er harey da.

1 Recortyssyn 24:2

Agh hooar Nadab as Abihu baase roish nyn ayr, as cha row cloan oc: shen-y-fa ren Eleazar as Ithamar cooilleeney oik yn ard-saggyrt.

2 Recortyssyn 11:14

(Son daag ny Leviteyn nyn gleebyn, as nyn gummallyn, as haink ad gys Judah as Jerusalem: son va Jeroboam as e vec er yiooldey ad veih oik y taggyrt y chooilleeney gys y Chiarn.

2 Recortyssyn 31:19

Myrgeddin jeh mec Aaron ny saggyrtyn va cummal ayns thalloo ny gleebyn mysh dagh ard-valley, va deiney enmyssit, dy hirveish nyn meaghey da ooilley mec ny saggyrtyn, as da ooilley ny va jeh kynney ny Leviteyn.

2 Recortyssyn 31:2

As doardee Hezekiah currym ny saggyrtyn as ny Leviteyn, lurg nyn goorseyn, dagh dooinney cordail rish e hirveish, ny saggyrtyn as ny Leviteyn son ourallyn-losht, as son ourallyn-shee, dy hirveish, as dy choyrt booise, as dy choyrt moylley ayns giattyn cooyrtyn y Chiarn.

2 Recortyssyn 8:14

As phoint eh, cordail rish oardagh e ayr David coorseyn ny saggyrtyn gys y chirveish oc, as ny Leviteyn gys nyn gurmyn, dy chur moylley as dy hirveish kiongoyrt rish ny saggyrtyn, myr va currym dagh-laa cheet mygeayrt, ny arreyderyn neesht lurg nyn goorseyn, ec dagh giat; son myr shoh va David yn dooinney dy Yee er harey,

Ezra 6:18

As hoie ad ny saggyrtyn ayns nyn order, as ny Leviteyn ayns nyn goorse, son shirveish thie Yee, ayns Jerusalem, myr te scruit ayns lioar Voses.

Exodus 28:1

As gow mayrt Aaron dty vraar, as e vec, veih mastey cloan Israel, dy ve my hirveishee ayns oik y taggyrt, eer Aaron, Nadab, as Abihu, Eleazar, as Ithamar, mec Aaron.

Exodus 28:41

As ver oo ad er Aaron dty vraar, as er ny mec echey; as nee oo ad y ooilaghey, as nyn goyrt er-lheh, as ad y chasherickey, dy vod ad jannoo shirveish dooys ayns oik y taggyrt.

Exodus 29:1

As shoh myr nee oo roo, dy chasherickey ad, dy ve my hirveishee ayns oik y taggyrt: Gow un dow aeg, as daa rea gyn lheamys,

Exodus 29:44

As neem’s y cabbane-agglish, as yn altar y chasherickey: as neem’s myrgeddin chammah Aaron as e vec y chasherickey, dy yannoo shirveish dooys ayns oik y taggyrt.

Exodus 29:9

As ver oo cryssyn moo [Aaron as e vec] as ver oo ny bayrnyn orroo: as lhieusyn vees oik y taggyrtys, liorish oardagh beayn: as nee oo Aaron as e vec y chasherickey.

Exodus 30:30

As nee uss Aaron as e vec y ooilaghey, as y chasherickey, dy ve my hirveishee ayns oik y taggyrt.

Earrooyn 18:7

Shen-y-fa, nee uss as dty vec mayrt, freayll oik y taggyrtys eu, ayns dagh nhee bentyn rish yn altar, as er cheu-sthie jeh’n choodagh, as shiuish nee shirveish: ta mish er choyrt diu oik y taggyrtys eu, myr shirveish dy yioot (arryltagh): as bee’n joarree, ta cheet er-gerrey, er ny choyrt gy-baase.

Noo Luke 1:5

Rish lhing Herod ree Yudea, va saggyrt dy row enmyssit Zacharias, jeh coorse Abia; as va’n ven echey jeh inneenyn Aaron, as yn ennym eck Elizabeth.

Noo Luke 1:7

As cha row sluight oc, er-yn-oyr dy row Elizabeth gennish, as v’ad ny-neesht er roie dy mie ayns eash.