Noo Luke 1:74 - Yn Vible Casherick 1775 1819

⁷⁴ Dy giallagh eh dooinyn, dy beagh shin er nyn livrey veih laueyn nyn noidyn, as shirveish eh fegooish aggle,

Yn Conaant Noa 1810

⁷⁴ Dy giallagh eh dooinyn dy beagh shin er nyn livrey veih laueyn nyn noidyn, as shirveish eh fegooish aggle,

Noo Luke 1:74 ပူးပေါင်းရင်းမြစ်များ

2 Reeaghyn 17:39

Agh nee shiu aggle y ghoaill roish y Chiarn y Jee eu, as nee eshyn shiu y livrey veih laue ooilley nyn noidyn.

Psalmyn 119:134

O livrey mee veih tranlaase drogh gheiney: as myr shen freill-ym dt’annaghyn.

Isaiah 43:21

Ta mee er chummey yn pobble shoh dou hene; nee ad my voylley y hoilshaghey magh.

Isaiah 45:17

Agh bee Israel er ny hauail ayns y Chiarn lesh saualtys dy bragh farraghtyn: cha bee shiuish er nyn goyrt gys nearey ny er nyn gastey seihll gyn jerrey.

Zechariah 8:19

Myr shoh ta Chiarn ny flaunyssee loayrt, Bee trostey yn chiarroo vee, as trostey yn wheiggoo, as trostey yn chiaghtoo, as trostey yn jeihoo vee son thie Yudah boggey as gennallys, as feaillaghyn eunyssagh; Shen-y-fa cur-jee graih da ynrickys as shee.

Noo Luke 1:71

Dy hauail shin veih nyn noidyn, as veih’n laue ocsyn ooilley ta dwoaie oc orrin.

Noo Luke 1:73

Eer yn breearrey ren eh gys yn ayr ain Abraham,

Noo Luke 1:75

Ayns craueeaght as cairys kiongoyrt rish, ooilley laghyn nyn mea.

Romanee 6:22

Agh nish myr ta shiu er nyn seyrey veih peccah, as er jeet dy ve nyn sharvaantyn dy Yee, ta eu nyn mess gys casherickys, as y jerrey echey yn vea dy bragh farraghtyn.

Romanee 8:15

Son cha vel shiu er ghoaill yn Spyrryd dy vondiaght reesht dy ve fo aggle; agh ta shiu er gheddyn yn Spyrryd dy gholtanys, liorish ta shin geamagh, Abba, Ayr.

2 Timothy 1:7

Son cha vel Jee er choyrt dooin yn spyrryd dy aggle; agh dy phooar, as dy ghraih, as dy chreenaght.

Hebrewnee 2:15

As livrey adsyn va trooid aggle y vaaish ooilley laghyn nyn mea fo geuley bondiaght.

Hebrewnee 9:14

Cre-woad smoo nee fuill Chreest, ren eh-hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

Ashlish 2:10

Ny gow aggle roish veg jeh ny reddyn shen nee oo surranse: cur-my-ner, nee yn drogh-spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver-yms dhyt attey dy vea.