Noo Luke 1:71 - Yn Vible Casherick 1775 1819

⁷¹ Dy hauail shin veih nyn noidyn, as veih’n laue ocsyn ooilley ta dwoaie oc orrin.

Yn Conaant Noa 1810

⁷¹ Dy hauail shin veih noidyn, as veih’n laue ocsyn ooilley ta dwoaie oc orrin.

Noo Luke 1:71 ပူးပေါင်းရင်းမြစ်များ

2 Reeaghyn 17:39

Agh nee shiu aggle y ghoaill roish y Chiarn y Jee eu, as nee eshyn shiu y livrey veih laue ooilley nyn noidyn.

Psalmyn 106:10

As haue eh ad veih laue ny tranlaasee: as livrey eh ad veih pooar y noid.

Jeremiah 23:6

Rish y lhing echeysyn vees Judah er ny hauail, as nee Israel cummal ayns sauchys; as shoh yn ennym vees cowrit er, YN CHIARN YN YNRICKYS AINYN.

Jeremiah 32:37

Cur-my-ner, chaglym’s ad ass dy chooilley heer raad deiyr mee ad ayns my chorree, as ayns my eulys, as my yymmoose hrome; as ver-ym lhiam ad reesht gys yn ynnyd shoh, as ver-yms orroo dy chummal ayns sauchys:

Ezekiel 28:26

As nee ad baghey dy sauchey ayns shen, troggee ad thieyn, as nee ad soiaghey garaghyn-feeyney: dy jarroo nee ad cummal dy souyr, tra veem’s er chooilleeney briwnys orroosyn ooilley mygeayrt, ta soiaghey beg jeusyn, as bee fys oc, dy nee mish y Chiarn yn Jee ocsyn.

Ezekiel 34:25

As nee’m conaant dy hee y yannoo roosyn, as ver-ym er ny drogh veishtyn dy herraghtyn ass y cheer: as nee adsyn baghey dy sauchey ayns yn aasagh, as cadley ayns ny keylljyn.

Ezekiel 34:28

As cha bee ad ny smoo son spooilley da ny ashoonee, chamoo nee beishtyn y thallooin ad y stroie, agh nee ad cummal ayns sauchys, as cha bee ad ayns aggle roish nhee erbee.

Ezekiel 38:8

Lurg mooarane laghyn yiow uss feaysley: ayns ny bleeantyn s’jerree hig oo stiagh ’sy cheer, t’er ny chosney reesht veih’n chliwe, as t’er ny haglym ass mooarane pobble gys sleityn Israel, ta er ny ve naardey son foddey dy braa: agh bee ad er nyn goyrt lhieu reesht ass ny ashoonyn, as nee ad ooilley baghey dy sauchey.

Noo Luke 1:68

Bannit dy row yn Chiarn Jee Israel, son t’eh er yeeaghyn er, as er livrey e phobble,

Noo Luke 1:74

Dy giallagh eh dooinyn, dy beagh shin er nyn livrey veih laueyn nyn noidyn, as shirveish eh fegooish aggle,

Deuteronomy 33:29

S’maynrey t’ou, O Israel! quoi ta goll rhyt’s, O phobble ta fo coadey’n Chiarn, eilley-caggee dty chooney, as cliwe dty ard-ooashley! as bee dty noidyn er nyn goyrt foyd, as nee oo stampey er ny ynnydyn ardey oc.

1 Ean 3:8

Eshyn ta jannoo peccah, t’eh jeh’n drogh-spyrryd; son ta’n drogh-spyrryd kyndagh jeh peccah er-dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh-spyrryd.