Noo Luke 1:68 - Yn Vible Casherick 1775 1819

⁶⁸ Bannit dy row yn Chiarn Jee Israel, son t’eh er yeeaghyn er, as er livrey e phobble,

Yn Conaant Noa 1810

⁶⁸ Bannit dy row yn Chiarn Jee Israel, son t’eh er yeeaghyn er, as er livrey e phobble,

Noo Luke 1:68 ပူးပေါင်းရင်းမြစ်များ

Genesis 14:20

As bannit dy row yn Jee smoo syrjey, ta er livrey dty noidyn gys dty phooar. As hug eh jaghee da jeh ooilley e spooilley.

Genesis 24:27

As dooyrt eh, Bannit dy row Chiarn Jee my vainshtyr Abraham; nagh vel er vreayll e vyghin as e ynrickys veih my vainshtyr: son va mee er y raad, as ren y Chiarn mee ’leeideil gys thie braaraghyn my vainshtyr.

Genesis 9:26

As dooyrt eh, Bannit dy row Chiarn Jee Shem, as bee Canaan e harvaant.

1 Reeaghyn 1:48

As dooyrt y ree ny-sodjey, Bannit dy row’n Chiarn Jee dy Israel, t’er choyrt fer dy hoie er my stoyl-reeoil jiu, my hooillyn hene eer jeeaghyn er.

1 Reeaghyn 8:15

As dooyrt eh, Bannit dy row’n Chiarn Jee Israel, loayr lesh e veeal rish David my ayr, as ta lesh e laue er chooilleeney eh, gra,

1 Recortyssyn 29:10

Shen-y-fa ren David y Chiarn y vannaghey fenish ooilley’n cheshaght: as dooyrt David, Bannit dy row uss, Hiarn Yee Israel nyn ayr, son dy bragh as dy bragh.

1 Recortyssyn 29:20

As dooyrt David rish ooilley’n cheshaght, Nish bannee-jee’n Chiarn nyn Yee. As ren y slane sheshaght yn Chiarn Jee nyn ayraghyn y vannaghey, as chroym ad sheese nyn ghing, as hug ad ooashley da’n Chiarn, as y ree.

Psalmyn 111:9

T’eh er choyrt feaysley da e phobble: t’eh er harey e chonaant son dy bragh; casherick as arrymagh ta’n Ennym echey.

Psalmyn 130:8

As livreyee eh Israel: veih ooilley e pheccaghyn.

Psalmyn 41:13

Bannit dy row yn Chiarn Jee dy Israel: seihll gyn jerrey. Amen.

Exodus 4:31

As ren y pobble credjal: as tra cheayll ad dy row yn Chiarn er yeeaghyn er cloan Israel, as dy row eh er vakin yn seaghyn oc, eisht chroym ad nyn ghing, as ren ad ooashlaghey.

Noo Luke 1:71

Dy hauail shin veih nyn noidyn, as veih’n laue ocsyn ooilley ta dwoaie oc orrin.

Noo Luke 19:44

As lhieggee ad oo kiart rish y thalloo, as dty chloan cheu-sthie jeed; as cha vaag ad aynyd un chlagh er clagh elley: er-yn-oyr nagh dug oo tastey da’n earish haink mish dy dty yeeaghyn.

Noo Luke 2:38

As haink ish stiagh ec y traa cheddin, as hug ee booise myrgeddin da’n Chiarn, as loayr ee jeh roosyn ooilley va jeeaghyn son livrey-ys ayns Jerusalem.

Noo Luke 24:21

Agh va shinyn treishteil dy nee eshyn veagh er chur livrey-ys da Israel: as marish shoh ooilley, jiu yn trass laa neayr as hie ny reddyn shoh er jannoo.

Noo Luke 7:16

As haink aggle orroo ooilley: as hug ad moylley da Jee, gra, Ta phadeyr mooar er n’irree seose ny mast’ ain; as, Ta Jee er yeeaghyn er e phobble.

Ephesianee 1:3

Bannit dy row Jee as Ayr nyn Jiarn Yeesey Creest, t’er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest:

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Hebrewnee 9:12

Chamoo liorish fuill goair as lheiyee, agh liorish yn uill echey hene, hie eh stiagh un cheayrt son ooilley ayns yn ynnyd casherick, lurg da v’er chosney feaysley braa er nyn son.

1 Peddyr 1:3

Bannit dy row Jee as Ayr nyn Jiarn Yeesey Creest, ta cordail rish e vyghin vooar er n’gheddyn shin reesht gys treishteil bioal, liorish irree-seose-reesht Yeesey Creest veih ny merriu.

1 Samuel 25:32

Eisht dooyrt David rish Abigail, Bannit dy row’n Chiarn Jee Israel, ta er choyrt oo my raad er y laa shoh;