Noo Luke 1:6 - Yn Vible Casherick 1775 1819

⁶ As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Yn Conaant Noa 1810

⁶ As va’d ny neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Noo Luke 1:6 ပူးပေါင်းရင်းမြစ်များ

Genesis 17:1

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

Genesis 6:9

Ad shoh sheelogheyn Noah, va Noah ny ghooinney cairagh as ynrick ayns e heelogheyn: as ren Noah e vea y leeideil myr ayns fenish Yee.

Genesis 7:1

As dooyrt y Chiarn rish Noah, Tar uss as ooilley dty lught-thie stiagh ’syn arg; son uss ta mee er vakin ynrick kiongoyrt rhym ayns y cheeloghe shoh.

1 Reeaghyn 15:5

Er-yn-oyr dy ren David shen ny va jeeragh ayns shilley’n Chiarn, as nagh hyndaa eh dy lhiattee veih nhee erbee dy doardee eh da ooilley laghyn e vea, agh ynrycan ayns cooish Uriah yn Hittite.

1 Reeaghyn 9:4

As my nee uss shooyl kiongoyrt rhym myr ren David dt’ayr, ayns ônid cree, as ayns ynrickys, dy yannoo cordail rish ooilley ny ta mee er harey dhyt, as my reayllys oo my lattyssyn as my vriwnyssyn;

2 Reeaghyn 20:3

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

2 Recortyssyn 17:4

Agh deiyr eh er y Chiarn Jee e ayraghyn, as jimmee eh ayns e annaghyn, as cha nee lurg obbraghyn Israel:

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Lioar Yob 1:8

As dooyrt y Chiarn rish Satan, Vel oo er chur-my-ner my harvaant Job, nagh vel fer erbee goll-rish er y thalloo, dooinney slane ynrick as jeeragh, ta goaill aggle roish Jee, as shaghney olk?

Lioar Yob 9:2

Ta fys aym son firrinys dy nee shen myr te: agh kys oddys dooinney ve er ny heyrey fenish Yee?

Psalmyn 119:6

Myr shen cha bee’m er my choyrt gys nearey: choud’s ta mee coyrt tastey da ooilley dty annaghyn.

Noo Luke 1:7

As cha row sluight oc, er-yn-oyr dy row Elizabeth gennish, as v’ad ny-neesht er roie dy mie ayns eash.

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Noo Luke 2:25

As cur-my-ner va dooinney ayns Jerusalem va enmyssit Simeon; as va’n dooinney cheddin cairagh as crauee, farkiaght son gerjagh Israel: as va’n Spyrryd Noo ersyn.

Jannoo 2:25

Son ta David loayrt jeh, gra, Ta mee er hoiaghey Jee kinjagh kiongoyrt rhym; son t’eh er my laue yesh dy my reayll veih tuittym.

Jannoo 23:1

As yeeagh Paul dy gyere er y choonceil as dooyrt eh, Gheiney as vraaraghyn, Ta mee er n’ymmyrkey mee-hene fenish Jee lesh cooinsheanse slane ynrick gys y laa t’ayn jiu.

Jannoo 24:16

As er-yn-oyr shoh ta mee er my chliaghtey hene, dy reayll kinjagh cooinsheanse gyn loght gys Jee as gys deiney.

Jannoo 8:21

Cha vel aart ny paart ayd ’sy chirveish shoh: son cha vel dty chree ynrick ayns shilley Yee.

Romanee 8:4

Dy voddagh cairys y leigh v’er ny chooilleeney aynin, nagh vel gimmeeaght lurg yn eill, agh lurg y spyrryd.

1 Corinthianee 11:2

Nish ta mee moylley shiu, vraaraghyn, dy vel shiu cooinaghtyn orrym ayns dy chooilley nhee, as freayll ny oardaghyn myr livrey mee ad diu.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

Deuteronomy 5:33

Nee shiu gimmeeaght ayns ooilley ny raaidyn, ta’n Chiarn y Jee eu er harey diu, dy vod shiu ve bio, as maynrey, as dy vod nyn laghyn ve beayn, ayns y cheer ta kiarit diu son eiraght.

Philippianee 2:15

Dy vod shiu ve gyn loght as ôney, cloan dy Yee, fegooish oghsan ayns mean sheeloghe camlaagagh as roonagh, ny-vud oc ta shiu lossey myr soilshaghyn ’sy theihll:

Colossianee 1:22

Ayns corp yn eill echey trooid baase, dy hebbal shiu casherick as fegooish foill, as neu-chyndagh ayns e hilley:

1 Thessalonianee 3:13

Gys y jerrey dy vod eh niartaghey ny creeaghyn eu gyn-loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

2 Peddyr 3:14

Shen-y-fa, chaarjyn, fakin dy vel shiu jerkal rish lheid ny reddyn, bee-jee imneagh dy bee shiu er nyn gheddyn liorishyn ayns shee, fegooish foill, as gyn loght.

1 Ean 2:29

My ta fys eu dy vel eshyn cairagh, ta fys eu dy vel dy chooilley unnane ta cur rish cairys, er ny ruggey jehsyn.

1 Ean 2:3

As liorish shoh ta fys ain, dy vel enney ain er, my ta shin freayll e annaghyn.

1 Ean 3:7

Chloan veggey, ny lhig da dooinney erbee shiu y volley: eshyn ta jannoo cairys, t’eh cairagh, dy jarroo myr t’eshyn cairagh.