Noo Luke 1:53 - Yn Vible Casherick 1775 1819

⁵³ T’eh er lhieeney ny accryssee lesh reddyn mie, as ny berchee t’eh er chur follym ersooyl.

Yn Conaant Noa 1810

⁵³ T’eh er lhieeney ny accrys‐see lesh reddyn mie, as ny berchee t’eh er chur follym ersooyl.

Noo Luke 1:53 ပူးပေါင်းရင်းမြစ်များ

Psalmyn 146:7

Ta’n Chiarn coyrt feaysley da ny pryssoonee: ta’n Chiarn coyrt soilshey da ny doail.

Psalmyn 34:10

Ta ny lionyn ayns feme, as gennaghtyn accyrys: agh adsyn ta shirrey yn Chiarn, cha bee ad laccal nhee erbee dy vel mie.

Ezekiel 34:29

As trog-ym seose dauesyn plant ooasle, as cha bee ad ny-sodjey naardey lesh accyrys ayns y cheer, chamoo nee ad arragh gymmyrkey oltooan ny ashoonee.

Noo Mian 5:6

Bannit t’adsyn ta accryssagh as paagh lurg yn ynrickys: son bee ad er nyn yannoo magh.

Noo Luke 1:54

T’eh er chooney lesh e harvaant Israel, ayns cooinaghtyn jeh e vyghin.

Noo Luke 6:21

Bannit ta shiuish ta accryssagh nish: son bee shiu er nyn yannoo magh. Bannit ta shiuish ta nish dobberan: son nee shiu garaghtee.

Noo Luke 6:24

Agh smerg diuish verchee: son ta shiu er gheddyn nyn gherjagh.

Noo Ean 6:35

As dooyrt Yeesey roo, Mish arran y vea: eshyn ta cheet hym’s, cha bee eh dy bragh accryssagh; as eshyn ta credjal aynym, cha bee eh dy bragh paagh.

1 Corinthianee 1:26

Son ta shiu fakin, vraaraghyn, cre gys ta shiu er nyn eam, kys nagh nee ymmodee deiney creeney lurg yn eill, nagh nee ymmodee deiney pooaral, nagh nee ymmodee deiney ooasle t’er nyn eam.

1 Corinthianee 4:8

Nish ta shiu jeant magh, nish ta shiu berchagh, ta shiu er reill myr reeaghyn nyn vegooish: as dy baillish Jee dy jinnagh shiu reill, dy voddagh shinyn reill myrgeddin mêriu.

1 Samuel 2:5

T’adsyn va lane er vailley ad hene magh son arran; as ta ny accryssee er nyn yannoo magh: myr shen dy vel yn ven ghennish er n’ymmyrkey shiaght; as ish va ymmodee cloan eck er choayl e bree.