Noo Luke 1:51 - Yn Vible Casherick 1775 1819

⁵¹ T’eh er hoilshaghey niart lesh e roih; t’eh er skeayley ny moyrnee ayns mooaralys nyn greeaghyn.

Yn Conaant Noa 1810

⁵¹ T’eh er hoilshaghey niart lesh e roih; t’eh er skeayley ny moyrnee ayns mooaralys nyn greeaghyn.

Noo Luke 1:51 ပူးပေါင်းရင်းမြစ်များ

Genesis 11:8

Er shoh ren y Chiarn skeayley ad magh veih shen harrish slane eaghtyr y thallooin; as scuirr ad veih troggal yn ard-valley.

Genesis 6:5

As honnick Jee dy row mee-chraueeaght dooinney trome er y thalloo, as dy row dy chooilley yeearree jeh smooinaghtyn e chree soit er olk dy kinjagh.

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

Psalmyn 118:15

Ta coraa boggey as slaynt ayns cummallyn y vooinjer chairagh: ta laue yesh y Chiarn coyrt lesh reddyn yindyssagh gys kione.

Psalmyn 33:10

Ta’n Chiarn coyrt bun-ry-skyn coyrle ny ashoonyn: as cur er saaseyn croutagh y phobble dy ve gyn-ymmyd, as cur shaghrynys er coyrleyn ny princeyn.

Psalmyn 52:9

Er my hon’s, ta mee myr billey-olive glass ayns thie Yee: ta my hreishteil ayns myghin meiygh Yee son dy bragh as dy bragh.

Psalmyn 63:5

Choud’s vee’m bio ver-ym ard-voylley dhyt er yn aght shoh: as trog-ym seose my laueyn ayns dt’ennym.

Psalmyn 89:10

T’ou reill dewlys ny marrey: t’ou kiunaghey ny tonnyn eck tra t’ad troggal.

Psalmyn 89:13

T’ou er yannoo yn twoaie as y jiass: nee Tabor as Hermon boggey y ghoaill ayns dty Ennym.

Psalmyn 98:1

O gow-jee arrane noa gys y Chiarn: son t’eh er n’yannoo reddyn yindyssagh.

Exodus 18:11

Nish, ta fys aym, dy vel y Chiarn foddey erskyn dy chooilley Yee: son lesh ooilley nyn mooaralys v’eshyn er-nyn-skyn.

Isaiah 40:10

Cur-my-ner, hig yn Chiarn y Jee eu lesh laue niartal, as nee e roih gymmyrkey reill er e hon: cur-my-ner ta’n leagh echey mârish, as e obbyr kiongoyrt rish.

Isaiah 51:9

Trog ort, trog ort, coamree oo hene lesh niart, O roih’n Chiarn; trog ort, myr ayns ny shenn laghyn, ayns ny sheelogheyn t’er n’gholl shaghey. Nagh nee uss eh t’er chraghey Rahab, as er lhottey yn dragon?

Isaiah 52:10

Ta’n Chiarn er roostey e roih casherick ayns shilley ooilley ny ashoonee; as nee dy chooilley ard sodjey magh jeh’n theihll cur-my-ner saualtys yn Jee ain.

Isaiah 63:12

Ren ad y leeideil liorish laue yesh Voses lesh e roih gloyroil, scarrey ny ushtaghyn rhymboo, dy chosney da hene ennym dy bragh farraghtyn?

Jeremiah 49:15

Son cur-my-ner, nee’m oo y yannoo fardalagh mastey ny ashoonee, as beg dy ve soit jeed mastey deiney.

Daniel 4:37

Nish ta mish Nebuchadnezzar cur moylley, as ard-voylley, as ooashley da ree ny flaunys, ta ooilley e obbraghyn firrinys, as e raaidyn briwnys, as adsyn ta gimmeeaght ayns moyrn t’eshyn niartal dy injillaghey.

Romanee 1:21

Er-yn-oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

2 Corinthianee 10:5

Tilgey sheese resooney fardalagh, as dagh nhee mooaralagh ta soiaghey seose eh-hene noi tushtey Yee, as coyrt lhien ayns cappeeys dy chooilley smooinaghtyn gys biallys Chreest:

Deuteronomy 4:34

Ny vel Jee erbee elley er ghoaill er, dy reih da hene ashoon ass mean ashoon elley, liorish prowallyn, liorish cowraghyn, as mirrilyn, as liorish caggey, as lesh laue niartal, as lesh roih sheeynt magh, as lesh atchimyn mooarey, cordail rish ooilley ny ren y Chiarn nyn Yee er nyn son ayns Egypt, kiongoyrt rish nyn sooillyn?

1 Peddyr 5:5

Myrgeddin shiuish sleih aegey, bee-jee arrymagh da’n chenndeeaght: dy jarroo bee-jee ooilley ayns biallys yn derrey yeh gys y jeh elley, as bee-jee coamrit lesh injillid aigney: son ta Jee soiaghey eh-hene noi’n vooinjer voyrnagh, as t’eh coyrt grayse dauesyn ta imlee.

Ashlish 18:8

Shen-y-fa tuittee ny kerraghyn eck [urree] ayns un laa, baase, as dobberan, as gortey; as bee ee dy bollagh losht lesh aile: son niartal ta’n Chiarn Jee ta briwnys ee.