Noo Luke 1:13 - Yn Vible Casherick 1775 1819

¹³ Agh dooyrt yn ainle rish, Ny gow aggle Zacharias: son ta dty phadjer er ny chlashtyn, as nee yn ven ayd Elizabeth mac y ymmyrkey dhyt, as nee oo genmys eh Ean.

Yn Conaant Noa 1810

¹³ Agh dooyrt yn ainle rish, Ny gow aggle Zacharias: son ta dty phadjer er ny chlashtyn, as nee yn ven ayd Elizabeth mac y ymmyrkey dhyt, as nee oo genmys eh Ean.

Noo Luke 1:13 ပူးပေါင်းရင်းမြစ်များ

Genesis 17:10

Shoh my chonaant, nee shiu y reayll eddyr mish as uss, as dty luight dty yeï; bee dy chooilley lhiannoo mac nyn mast’ eu er ny yiarey-chymmylt.

Genesis 17:19

As dooyrt Jee, Nee Sarah dty ven dy jarroo mac y ymmyrkey dhyt; as nee oo genmys eh Isaac: as nee’m shickyraghey my chonaant rishyn, son conaant dy bragh farraghtyn, as rish e luight ny lurg.

Genesis 18:14

Vel nhee erbee ro ghoillee da’n Chiarn? ec y traa pointit, hig-yms reesht cordail rish y traa cooie, as ver Sarah mac son y theihll.

Genesis 25:21

As ren Isaac aghin gys y Chiarn son e ven, er-yn-oyr dy row ee gennish: as hug y Chiarn clashtyn da, as ren Rebekah e ven giennaghtyn.

Psalmyn 118:21

Ver-yms booise dhyt, son t’ou er my chlashtyn: as er jeet dy ve my haualtys.

Isaiah 8:3

As haink mee er-gerrey da my ven, as ren ee gientyn, as mac y ymmyrkey. Eisht dooyrt y Chiarn rhym, Jean genmys eh Maher-shalal-hash-baz:

Daniel 10:12

Eisht dooyrt eh rhym, Ny bee aggle ort, Ghaniel: son veih yn chied laa dy ren oo soiaghey dty chree dy hoiggal, as dy smaghtaghey oo hene kiongoyrt rish dty Yee, va dty ghoan er ny chlashtyn, as ta mish er jeet er bree dty ghoan.

Hosea 1:4

As dooyrt y Chiarn rish, Enmys eh Jezreel; son foast ayns traa gerrit kerree-yms fuill Yezreel er thie Yehu, as ver-ym jerrey er reeriaght thie Israel.

Hosea 1:6

As ren ee gientyn reesht, as gymmyrkey inneen; as dooyrt Jee rish, Enmys ee Lo-ruhamah: son cha bee ny-sodjey myghin aym er thie Israel; agh nee’m dy bollagh ad y astyrt.

Noo Mian 1:21

As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Noo Mian 14:27

Agh chelleeragh loayr Yeesey roo, gra, Bee-jee dy yien mie, she mish t’ayn, ny gow-jee aggle.

Noo Mian 28:5

As dreggyr yn ainle, as dooyrt eh rish ny mraane, Ny gow-jee aggle: son ta fys aym’s dy vel shiu shirrey Yeesey, v’er ny chrossey.

Noo Mark 16:6

As dooyrt eh roo, Ny bee aggle erriu: ta shiu shirrey Yeesey dy Nazareth, v’er ny chrossey: t’eh er n’irree; cha vel eh ayns shoh: cur-jee my-ner shoh’n boayl v’eh oanluckit ayn.

Noo Luke 1:14

As bee boggey as gerjagh ayd, as nee ymmodee boggey y ghoaill tra hig eh er y theihll.

Noo Luke 1:30

As dooyrt yn ainle r’ee, Ny bee aggle ort, O Voirrey; son t’ou er gheddyn foayr veih Jee.

Noo Luke 2:21

As tra va hoght laa ec kione son giarey-chymmylt y lhiannoo, v’eh enmyssit YEESEY, son shen yn ennym hug yn ainle er, roish my row eh er ny ghiennaghtyn ’sy vreïn.

Jannoo 10:31

As dooyrt eh, Cornelius, ta dty phadjer er ny chlashtyn, as dty yeirk freilt ayns cooinaghtyn fenish Jee.

Briwnyn 6:23

As dooyrt y Chiarn rish, Shee dy row hood; ny gow aggle: cha vow baase.

1 Samuel 2:21

As yeeagh y Chiarn er Hannah, myr shen dy ren ee gientyn, as gymmyrkey three mec, as da inneen. As daase y lhiannoo Samuel fenish y Chiarn.