Nehemiah 9:2 - Yn Vible Casherick 1775 1819

² As ren sluight Israel scarrey ad-hene veih’n chloan joarree, as hass ad seose, as ghow ad rish ny peccaghyn oc hene, as peccaghyn nyn ayraghyn.

Nehemiah 9:2 ပူးပေါင်းရင်းမြစ်များ

Nehemiah 13:3

Nish haink eh gy-kione, lurg daue v’er chlashtyn y leigh, dy ren ad ooilley’n sluight joarree y scarrey veih Israel.

Ezra 10:11

Nish er-y-fa shen, gow-jee rish nyn beccaghyn gys y Chiarn, Jee nyn ayraghyn, as jean-jee e aigney, as scarr-jee shiu hene veih pobble y cheer, as veih mraane joarree.

Nehemiah 13:30

Myr shoh, ren mee ad y scarrey veih dy chooilley yoarree, as doardee mee coorseyn ny saggyrtyn, as ny Leviteyn, dagh fer gys e oik;

Daniel 9:20

As nish choud as va mee loayrt, as goaill padjer, as goaill-rish my pheccah, as peccah my phobble Israel, as chebbal my aghin kiongoyrt rish y Chiarn my Yee, son slieau casherick my Yee:

Hosea 5:7

T’ad er ghellal dy kialgeyragh noi yn Chiarn: son t’ad er gheddyn cloan yoarree: nish ver traa giare naardey chammah ad-hene as nyn gronney.

Psalmyn 144:11

Saue as livrey mee veih laue cloan yoarree: yn beeal oc ta loayrt dy foalsey, as ta’n laue yesh oc laue yesh dy volteyrys.

Ezra 9:2

Son t’ad er n’ghoaill ny inneenyn oc daue hene, as da nyn mec, myr shen dy vel y sluight casherick er nyn lhiantyn gys pobble ny cheeraghyn shen; dy jarroo, ta eer ny princeyn, as ny fir-reill er n’ghoaill y raad ayns y drogh chooish shoh.

Isaiah 2:6

Shen-y-fa t’ou er hreigeil dty phobble thie Yacob, son dy vel ad er vishaghey [ayns obbeeys] veih’n niar, as dy vel ad fir-faishnee myr ny Philistinee, as t’ad goaill taitnys ayns cloan yoarree.

Psalmyn 144:7

Sheeyn magh dty laue veih’n yrjid: livrey mee, as saue mee, veih ny ushtaghyn mooarey, veih laue cloan yoarree;

Nehemiah 1:6

Lhig da dty chleaysh nish geaishtagh, as dty hooillyn ’ve foshlit, dy vod oo clashtyn padjer dty harvaant, ta mee goaill kiongoyrt rhyt nish, laa as oie, ayns lieh cloan Israel dty harvaantyn, goaill-rish peccaghyn cloan Israel, ta shin er n’yannoo dt’oï: ta chammah mish as thie m’ayrey er n’yannoo peccah.

Ezra 9:15

O Hiarn Yee Israel, t’ou uss cairagh, agh ta shinyn foast er scapail gyn kerraghey, myr te yn laa jiu: cur-my-ner ta shin kiongoyrt rhyt ayns nyn beccaghyn: son cha vod mayd shassoo kiongoyrt rhyt, kyndagh rish shoh.

1 Reeaghyn 8:47

Ny-yeih, my smooinys ad orroo hene ayns y cheer huggey v’ad er nyn goyrt lhieu nyn gappeeyn, as arrys y ghoaill, as jannoo aghin hood’s ayns cheer nyn gappeeys, gra, Ta shin er n’yannoo peccah, as er ve mee-viallagh, ta shin er chur-rish olkys;

Ezra 6:21

As ren cloan Israel, v’er jyndaa reesht veih’n chappeeys gee jeh, mâroosyn neesht v’er dreigeil cliaghtaghyn neu-ghlen ashoonee ny cheerey, dy hirveish y Chiarn Jee Israel.

Ezra 9:1

Nish, lurg da ny reddyn shoh ve jeant, haink ny princeyn hym gra, Cha vel pobble Israel, as ny saggyrtyn, as ny Leviteyn, er scarrey ad-hene veih pobble ny cheeraghyn [joarree], jannoo cordail rish ny obbraghyn feohdoil oc, eer jeh ny Canaaniteyn, ny Hittiteyn, ny Perizziteyn, ny Jebusiteyn, ny Ammoniteyn, ny Moabiteyn, as Egyptianee, as ny Amoriteyn.

Nehemiah 10:28

As y chooid elley jeh’n pobble, ny saggyrtyn, ny Leviteyn, porteryn ny giattyn, ny fir-chiaullee, ny Nethinimee, as adsyn ooilley v’er scarrey ad-hene veih pobble ny ashoonee, dy reayll leigh Yee, ny mraane, ny mec, as ny inneenyn oc, dy chooilley unnane v’er jeet gys keeayll as tushtey:

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Jeremiah 3:13

Ynrycan gow-rish dty vee-chraueeaght, dy vel oo er n’yannoo peccah noi’n Chiarn dty Yee, as er rheynn dty aigney-mie gys joarreeyn fo dy chooilley villey glass, as cha vel shiu er chur biallys da my choraa’s, ta’n Chiarn dy ghra.

Jeremiah 14:20

Ta shin goaill-rish, O Hiarn, nyn ghrogh-yannoo hene, as loghtyn nyn ayraghyn; son ta shin er n’yannoo peccah dt’oï’s.

Nehemiah 10:29

Lhiann ad shoh gys nyn mraaraghyn, ny ard-gheiney, as chiangle ad ad-hene fo mollaght as breearrey, dy immeeaght ayns leigh Yee, v’er ny livrey liorish Moses, sharvaant Yee, as dy chur tastey, as dy chooilleeney ooilley annaghyn y Chiarn, yn Chiarn ainyn, as e vriwnyssyn, as e lattyssyn: