Nehemiah 8:3 - Yn Vible Casherick 1775 1819

³ As lhaih eh ayn, ’sy traid va liorish y yiat-ushtey, veih’n voghrey gys y vun-laa, gys ny deiney, as ny mraane, as lheid as va toiggal: as va ooilley’n pobble soit dy jeean er clashtyn lioar y leigh.

Nehemiah 8:3 ပူးပေါင်းရင်းမြစ်များ

Nehemiah 10:29

Lhiann ad shoh gys nyn mraaraghyn, ny ard-gheiney, as chiangle ad ad-hene fo mollaght as breearrey, dy immeeaght ayns leigh Yee, v’er ny livrey liorish Moses, sharvaant Yee, as dy chur tastey, as dy chooilleeney ooilley annaghyn y Chiarn, yn Chiarn ainyn, as e vriwnyssyn, as e lattyssyn:

Nehemiah 13:1

Er y laa shen lhaih ad ayns lioar Voses, ayns clashtyn y pobble, as ayn hooar ad scruit, nagh row yn Ammonite ny’n Moabite dy ve goit stiagh mastey pobble Yee, son dy bragh;

Nehemiah 8:1

As va ooilley’n pobble er nyn jaglym cooidjagh, myr un dooinney gys y traid va rish y giat-ushtey, as loayr ad rish Ezra yn scrudeyr, dy chur lesh lioar leigh Voses, va’n Chiarn er n’oardaghey da Israel.

Nehemiah 8:18

Myrgeddin, laa lurg laa, veih’n chied laa gys y laa s’jerree, ren eh lhaih ayns lioar leigh Yee; as dreill ad yn feailley shiaght laa, as er y hoghtoo laa chum ad feailley casherick, cordail rish y cliaghtey.

Nehemiah 8:4

As hass Ezra yn scrudeyr er pulpit fuygh v’ad er hroggal cour yn ymmyd: as liorishyn hass Mattithiah, as Shema, as Anaiah, as Urijah, as Hilkiah, as Maaseiah, er e laue yesh: as er e laue hoshtal, Pedaiah, as Mishael, as Malchiah, as Hashum, as Hashbadana, Zechariah, as Meshullam.

Nehemiah 8:5

As doshil Ezra yn lioar ayns shilley ooilley’n pobble (son v’eh erskyn ooilley’n pobble) as tra doshil eh ee, hass ooilley’n pobble seose.

Noo Mark 12:37

Ta David er-y-fa shen eh-hene genmys eh ny Hiarn; as kys t’eh eisht yn mac echey? As deaisht yn pobble v’er nyn jaglym cooidjagh rish dy arryltagh.

Noo Luke 19:48

As cha row fys oc kys dy heet mygeayrt-y-mysh; son va ooilley yn pobble feer aggindagh er clashtyn eh.

Noo Luke 8:18

Cur-jee twoaie er-y-fa shen kys ta shiu clashtyn: son quoi-erbee ta echey, dasyn vees er ny choyrt; as quoi-erbee nagh vel echey, veihsyn vees er ny ghoaill eer shen hene er-lesh dy vel echey.

Jannoo 13:15

As lurg lhaih yn leigh as ny phadeyryn, hug fir-reill yn synagogue fys huc, gra, Shiuish gheiney as vraaraghyn, my ta fockle erbee dy choyrle eu dy chur da’n pobble, loayr-jee eh.

Jannoo 13:27

Son cummaltee Yerusalem, as ny fir-reill oc, son nagh dug ad tastey dasyn, ny foast da goo ny phadeyryn t’er nyn lhaih dy chooilley ghoonaght, t’ad er chooilleeney ad shen ayns eshyn y gheyrey.

Jannoo 15:21

Son ta ec Moses er-dyn chenn earish, ayns dy chooilley ard-valley adsyn ta dy phreacheil eh, as t’eh er ny lhaih ayns ny kialteenyn dy chooilley ghoonaght.

Jannoo 16:14

As va ben dy row va enmyssit Lydia, jeh ard-valley Thyatira, as dellal ayns purple, v’ee shoh cur ooashley da Jee, as deaisht ee rooin: as doshil yn Chiarn y cree eck, dy choyrt geill da ny goan va Paul dy loayrt.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Jannoo 20:11

Tra v’eh er-y-fa shen er jeet seose reesht, as er vrishey arran, as er n’ee, as er daggloo foddey, gys eer brishey’n laa, jimmee eh roish.

Jannoo 20:7

As er y chied laa jeh’n chiaghtin, tra va shin er jeet cooidjagh dy vrishey arran, ren Paul preacheil daue, as myr v’eh dy gholl roish laa-ny-vairagh, chum eh seose loayrt derrey mean-oie.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Deuteronomy 31:9

As scrieu Moses yn leigh shoh, as hug eh eh fo currym ny saggyrtyn, mec Levi, va gymmyrkey arg conaant y Chiarn, as da ooilley shanstyr Israel.

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er-yn-oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.

Joshua 8:35

Cha row fockle jeh ooilley ny doardee Moses nagh ren Joshua lhaih kiongoyrt rish slane chaglym-cooidjagh Israel, marish ny mraane, as y chloan, as ny joarreeyn ny-vud oc va jeh’n un chredjue.

Ashlish 2:29

Eshyn ta cleaysh echey, lhig da clashtyn ny ta’n Spyrryd dy ghra rish ny kialteenyn.

Ashlish 3:22

Eshyn ta cleaysh echey, lhig eh clashtyn ny ta’n Spyrryd dy ghra rish ny kialteenyn.