Nehemiah 8:2 - Yn Vible Casherick 1775 1819

² As hug Ezra yn saggyrt lesh y leigh kiongoyrt rish y cheshaght chammah dy gheiney as mraane, as ooilley ny va ec eash dy hoiggal, er y chied laa jeh’n chiaghtoo vee.

Nehemiah 8:2 ပူးပေါင်းရင်းမြစ်များ

Nehemiah 10:29

Lhiann ad shoh gys nyn mraaraghyn, ny ard-gheiney, as chiangle ad ad-hene fo mollaght as breearrey, dy immeeaght ayns leigh Yee, v’er ny livrey liorish Moses, sharvaant Yee, as dy chur tastey, as dy chooilleeney ooilley annaghyn y Chiarn, yn Chiarn ainyn, as e vriwnyssyn, as e lattyssyn:

Nehemiah 13:1

Er y laa shen lhaih ad ayns lioar Voses, ayns clashtyn y pobble, as ayn hooar ad scruit, nagh row yn Ammonite ny’n Moabite dy ve goit stiagh mastey pobble Yee, son dy bragh;

Nehemiah 8:18

Myrgeddin, laa lurg laa, veih’n chied laa gys y laa s’jerree, ren eh lhaih ayns lioar leigh Yee; as dreill ad yn feailley shiaght laa, as er y hoghtoo laa chum ad feailley casherick, cordail rish y cliaghtey.

Nehemiah 8:9

As Nehemiah, ta shen yn Tirshatha, as Ezra yn saggyrt yn scrudeyr, as ny Leviteyn dynsee yn pobble, dooyrt ad roo ooilley, Ta’n laa shoh casherick gys y Chiarn yn Jee eu, ny jean-jee dobberan ny keayney: son huitt ooilley yn pobble er keayney, tra cheayll ad goan y leigh.

Nehemiah 9:1

Nish er y chiarroo laa as feed jeh’n vee shoh, va cloan Israel er nyn jaglym, lesh trostey, as aanrit-sack, as lesh ooir er nyn ghing.

Isaiah 28:9

Quoi da nee eh gynsaghey tushtey? as quoi er ver eh dy hoiggal ynsagh? adsyn t’er ny harbaa veih’n bainney, as er ny hayrn veih ny keeaghyn.

Leviticus 23:24

Loayr rish cloan Israel, gra, Ayns y chiaghtoo vee, er y chied laa jeh’n vee, bee doonaght eu, sheidey trumpetyn son imraa; bee shoh meeiteil casherick.

Malachi 2:7

Son lhisagh meillyn ny saggyrtyn freayll tushtey, as lhisagh ad shirrey yn leigh ec e veeal, son eshyn chaghter Chiarn ny flaunyssee.

Earrooyn 29:1

As ’sy chiaghtoo vee, er y chied laa jeh’n vee, bee meeiteil casherick eu; er cha jean shiu obbyr erbee doccaragh: te laa diu son sheidey ny trumpetyn.

Jannoo 15:21

Son ta ec Moses er-dyn chenn earish, ayns dy chooilley ard-valley adsyn ta dy phreacheil eh, as t’eh er ny lhaih ayns ny kialteenyn dy chooilley ghoonaght.

Deuteronomy 17:18

As erreish da ve soit er stoyl-reeoil e reeriaght, nee eh scrieu da hene copy jeh’n leigh shoh ayns lioar, veih shen ny ta kiongoyrt rish ny saggyrtyn ny Leviteyn.

Joshua 8:35

Cha row fockle jeh ooilley ny doardee Moses nagh ren Joshua lhaih kiongoyrt rish slane chaglym-cooidjagh Israel, marish ny mraane, as y chloan, as ny joarreeyn ny-vud oc va jeh’n un chredjue.