Nehemiah 7:70 - Yn Vible Casherick 1775 1819

⁷⁰ As ren paart jeh ard-gheiney ny kynneeyn stowal cour yn obbyr: hug y Tirshatha gys y stoyr, thousane peesh dy airh, jeih claareeyn as da-eed, queig cheead as jeih as feed dy choamraghyn-saggyrt.

Nehemiah 7:70 ပူးပေါင်းရင်းမြစ်များ

1 Reeaghyn 7:45

As ny pooiyt, as ny sleaystyn, as ny basonyn: as ooilley ny siyn shoh, va Hiram er n’yannoo da ree Solomon son thie yn Chiarn, v’ad jeant jeh prash sollys.

1 Recortyssyn 28:17

Airh ghlen myrgeddin son ny aalyn, as ny meilaghyn, as ny cappanyn: as son ny basonyn airh hug eh airh liorish towse son dagh bason, as myrgeddin argid liorish towse son dagh bason argid:

2 Recortyssyn 4:11

As ren Huram ny coirraghyn, as ny sleaystyn aile, as ny basonyn, as hug Huram kione er yn obbyr v’echey dy yannoo da ree Solomon, son thie Yee.

2 Recortyssyn 4:8

Ren eh myrgeddin jeih buird, as hoie eh ad ’sy chiamble, queig er y cheu yesh, as queig er y cheu chiare: as ren eh keead bason dy airh.

Nehemiah 10:1

Nish shoh adsyn ren sealal, Nehemiah yn Tirshatha, mac Hachaliah, as Zidkijah,

Nehemiah 7:65

As dooyrt y Tirshatha roo, nagh row eh lowit dauesyn dy ghoaill ayrn ayns ny nheeghyn smoo casherick, derrey hroggagh seose saggyrt lesh Urim as Thummim.

Nehemiah 7:69

Ny camelyn oc, kiare cheead as queig-jeig as feed: assylyn, shey thousaneyn as shiaght cheead as feed.

Nehemiah 7:71

As hug paart jeh ny ard-ayraghyn, gys stoyr yn obbyr, feed thousane peesh dy airh, as daa housane as daa cheead punt dy argid.

Nehemiah 8:9

As Nehemiah, ta shen yn Tirshatha, as Ezra yn saggyrt yn scrudeyr, as ny Leviteyn dynsee yn pobble, dooyrt ad roo ooilley, Ta’n laa shoh casherick gys y Chiarn yn Jee eu, ny jean-jee dobberan ny keayney: son huitt ooilley yn pobble er keayney, tra cheayll ad goan y leigh.

Exodus 12:22

As nee shiu goaill dhoss dy hyssop, as y hummey eh ’syn uill t’ayns y taagh, as nee shiu spreih yn ard-dorrys, as y daa essyn lesh yn uill t’ayns y taagh: as cha jed unnane eu magh er dorrys e hie derrey’n voghrey.

Exodus 24:6

As ghow Moses yn derrey lieh jeh’n uill, as hug eh eh ayns siyn; as spreih eh lieh jeh’n uill er yn altar.

Jeremiah 52:19

As ny basonyn, as ny censeryn, as ny scaillaghyn, as ny coirraghyn, as ny kainlereyn, as ny spainyn, as ny cappanyn; shen ny va jeh airh ayns airh, as shen ny va jeh argid ayns argid, ren captan y ghard goaill ersooyl.