Nehemiah 7:4 - Yn Vible Casherick 1775 1819

⁴ Nish va’n ard-valley lhean as mooar, agh cha row’n pobble agh beggan ayns earroo, as cha row ny thieyn foast slane troggit.

Nehemiah 7:4 ပူးပေါင်းရင်းမြစ်များ

Nehemiah 11:1

As va fir-reill y pobble cummal ayns Jerusalem: hilg yn chooid elley jeh’n pobble lottyn, dy chur lhieu dy chooilley yeihoo ghooinney dy vaghey ayns Jerusalem yn ard-valley casherick, as nuy ayrnyn dy vaghey ayns ny ard-valjyn elley.

Nehemiah 11:2

As vannee yn pobble ooilley ny deiney, heb ad-hene dy arryltagh, dy chummal ayns Jerusalem.

Nehemiah 7:3

As dooyrt mee roo, Ny lhig da giattyn Yerusalem ve foshlit derrey hroggys y ghrian; as ayns yn enish ocsyn, lhig da ny dorryssyn ve dooint, as boltit, as lhig daue soiaghey arreyderyn jeh cummaltee Yerusalem, dagh dooinney ayns e watch hene, as dagh dooinney roish e chummal hene.

Nehemiah 7:5

As hug my Yee eh ayns my chree, dy haglym cooidjagh ny ard-gheiney, as ny fir-reill, as y pobble, dy ghoaill yn earroo oc, rere nyn gynneeyn: as hooar mee lioar ny kynneeyn ocsyn, haink seose ec y toshiaght, as hooar mee scruit ayn,

Isaiah 58:12

As nee adsyn hig jeed’s troggal ny shenn tholtanyn: nee oo troggal er undinyn ymmodee sheelogheyn; as bee oo enmyssit Lhiaseyder yn vrishey, dy chiartaghey raaidyn rea gys nyn gummallyn.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.