Nehemiah 7:1 - Yn Vible Casherick 1775 1819

¹ Nish haink eh gy-kione, erreish da’n voalley ve troggit, as dy row mee er hoiaghey seose ny dorryssyn, as er phointeil porteryn, as fir-chiaullee, as Leviteyn,

Nehemiah 7:1 ပူးပေါင်းရင်းမြစ်များ

2 Reeaghyn 7:10

Er shoh haink ad, as deïe ad gys porter yn ard-valley; as dinsh ad, gra, Hie shin gys camp ny Syrianee, as cur-my-ner, cha row dooinney ayns shen, ny coraa dooinney, agh cabbil kianlt, as assylyn kianlt, as ny cabbaneyn nyn shassoo.

2 Recortyssyn 31:2

As doardee Hezekiah currym ny saggyrtyn as ny Leviteyn, lurg nyn goorseyn, dagh dooinney cordail rish e hirveish, ny saggyrtyn as ny Leviteyn son ourallyn-losht, as son ourallyn-shee, dy hirveish, as dy choyrt booise, as dy choyrt moylley ayns giattyn cooyrtyn y Chiarn.

Ezra 3:8

Nish, ayns y nah vleïn lurg daue v’er jeet dy hroggal thie Yee ec Jerusalem, ayns y nah vee, ghow Zerubbabel mac Shealtiel toshiaght marish Jeshua mac Yozadak, as y chooid elley jeh nyn mraaraghyn, ny saggyrtyn, as ny Leviteyn, as ooilley ny v’er jeet ass y chappeeys gys Jerusalem, as doardee ad ny Leviteyn, veih feed bleïn dy eash, as erskyn, dy choyrt er y hoshiaght obbyr thie’n Chiarn:

Nehemiah 10:39

Son ver cloan Israel, as cloan Levi lhieu yn chebbal-arroo jeh’n feeyn noa, as jeh’n ooil gys ny shamyryn, raad ta siyn yn ynnyd casherick, as ny saggyrtyn ta shirveish, porteryn ny giattyn, as ny fir-chiaullee, as cha jean mayd treigeil thie yn Jee ain.

Nehemiah 11:3

Nish ad shoh ard-gheiney yn rheam, va cummal ayns Jerusalem: agh ayns ard-valjyn Yudah, va dagh unnane ayns e chummal ayns ny ard-valjyn oc; ta shen, Israel, ny saggyrtyn, as ny Leviteyn, as ny Nethinimee, as cloan fir-oik Solomon.

Nehemiah 12:24

As ny ard Leviteyn: Hashabiah, Sherebiah, as Jeshua mac Kadmiel, marish nyn mraaraghyn, fer lurg fer, dy choyrt moylley as booise ayns nyn goorseyn, cordail rish oardagh Ghavid yn dooinney dy Yee.

Nehemiah 6:1

Nish haink eh gy-kione, tra cheayll Sanballat, as Tobiah, as Gesham yn Arabian, as y chooid elley jeh nyn noidyn, dy row mee er hroggal y voalley, nagh row brishey erbee faagit ayn, (ga ec y traa cheddin cha row mee er hoiaghey seose coollaghyn er ny giattyn).

Nehemiah 6:15

Myr shoh va’n voalley dy slane coamrit er y wheiggoo laa as feed jeh mee Elul, ayns daa laa jeig as da-eed.

Nehemiah 6:19

Myrgeddin loayr ad dy mie jeh kiongoyrt rhym, as hoilshee ad my ghoan’s dasyn; as hug Tobiah ny screeuyn shoh dy my agglaghey.