Nehemiah 5:9 - Yn Vible Casherick 1775 1819

⁹ Dooyrt mee ny-sodjey, Cha vel shiu jannoo dy mie, nagh lhisagh shiu gimmeeaght ayns aggle yn Jee ain, kyndagh rish oltooan ny ashoonee nyn noidyn?

Nehemiah 5:9 ပူးပေါင်းရင်းမြစ်များ

Genesis 20:11

As dooyrt Abraham, Er-y-fa dy smooinee mee, son shickyrys, cha vel aggle Yee ’syn ynnyd shoh, as gowee ad ersooyl my vioys er choontey my ven.

Genesis 42:18

As dooyrt Joseph roo yn trass laa, Shoh jean-jee, as bee nyn mioys lhieu: son ta mish goaill aggle roish Jee.

2 Samuel 12:14

Agh son dy vel uss liorish y drogh obbyr shoh er choyrt ard oyr da noidyn y Chiarn dy oltooaney, yn lhiannoo myrgeddin ta ruggit dhyt’s yiow eh son shickyrys baase.

Nehemiah 4:4

Clasht, O nyn Yee, son s’beg t’er ny hoiagh j’in; as chyndaa yn oltooan oc er nyn ghing hene, as livrey ad son spooilley ayns cheer y chappeeys:

Nehemiah 5:10

Ta mish myrgeddin, as my vraaraghyn, as my vooinjer er lhiggey voïn argid as arroo gyn use: ta mee guee erriu, lhig dooin lhiggey sheese yn use shoh.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Psalmyn 90:11

Agh quoi ta toiggal pooar dty yymmoose: son dy jarroo myr ta dooinney goaill aggle, shen myr ta dty chorree.

Raaghyn Creeney 16:29

Ta’n dooinney dewil dy violaghey e naboo, as leeideil eh gys raad nagh vel mie.

Raaghyn Creeney 17:26

Myrgeddin dy aagail magh yn ynrick, cha vel eh mie, ny dy oltooan princeyn son nyn gairys.

Raaghyn Creeney 18:5

Dy yannoo soiaghey jeh persoon ny mee-chrauee, cha vel shen mie, ny dy chastey yn dooinney cairal ayns briwnys.

Raaghyn Creeney 19:2

Myrgeddin dy bee yn annym fegooish ynsagh cha vel eh mie: as eshyn ta ro hiyragh, nee eh tuittym ayns peccah.

Raaghyn Creeney 24:23

Ta ny reddyn shoh neesht bentyn dauesyn ta creeney. Cha vel eh mie dy yannoo soiaghey jeh persoonyn ayns briwnys.

Ezekiel 36:20

As tra haink ad mastey ny ashoonee, raad jimmee ad, doltooan ad my ennym’s casherick, tra dooyrt ad roosyn, Jeeagh-jee pobble y Chiarn, as ad eiyrit magh ass y thalloo echeysyn.

Leviticus 25:36

Ny trog veg yn use ny bishagh jehsyn: agh gow aggle roish dty Yee: dy vod dty vraar baghey mayrt.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Romanee 2:24

Son ta ennym Yee oltooanit mastey ny Ashoonee, kyndagh riuish, myr te scruit.

1 Timothy 5:14

Saillym er-y-fa shen dy jean ny mraane saa poosey, cloan y ymmyrkey, yn thie y reill, gyn veg yn oyr y choyrt da’n noid dy loayrt dy scammyltagh.

Titus 2:5

Dy ve tastagh, glen-aignagh, freayll ec y thie, dy ve dooie, biallagh da ny sheshaghyn oc hene, nagh bee goo Yee loayrit dy olk jeh.

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh-yantee, dy vod ad liorish ny obbraghyn mie eu ver ad my-ner, Jee y ghloyraghey ayns laa yn chooilleen.

1 Samuel 2:24

Ah treih, my vec; cha nee goo mie erbee eh ta mee clashtyn jiu; ta shiu cur oyr da’n pobble dy hreigeil shirveish y Chiarn.