Nehemiah 5:4 - Yn Vible Casherick 1775 1819

⁴ Dooyrt feallagh elley neesht, Ta shin er eeasagh argid son keesh y ree, as shen er nyn magheryn, as nyn garaghyn-feeyney.

Nehemiah 5:4 ပူးပေါင်းရင်းမြစ်များ

1 Reeaghyn 9:21

Nyn gloan va faagit nyn yeï ’sy cheer, adsyn myrgeddin nagh row cloan Israel dy slane er vainshtyragh, jeu shoh hrog Solomon keesh dy hirveish-bondiaght gys y laa jiu.

Ezra 4:13

Lhig da fys ’ve ec y ree nish, my vees yn ard-valley shoh troggit reesht, as ny voallaghyn soit seose, eisht cha jean ad geeck mayle, keesh, ny custom, as myr shen bee coayl as assee ayns cheet-stiagh y ree.

Ezra 4:20

Ta reeaghyn niartal myrgeddin er ve harrish Jerusalem, ta er reill harrish ooilley ny cheeraghyn cheu elley jeh’n awin, as va mayle, keesh, as custom, eeckit daue.

Ezra 7:24

Ta shin myrgeddin cur currym erriu, mychione ooilley ny saggyrtyn as Leviteyn, ny fir-chiaullee, ny porteryn, ny Nethinimee, ny shirveishee thie Yee, cha bee eh lowal dy hroggal jeu mayle, keesh, ny custom.

Nehemiah 5:3

Dooyrt paart myrgeddin, Ta shin er choyrt yn thalloo ain, ny garaghyn-feeyney, as ny thieyn ain gioal, dy chionnaghey arroo, kyndagh rish y ghortey.

Nehemiah 9:37

As te fordrail mooarane vondeish da ny reeaghyn t’ou er hoiaghey harrin, kyndagh rish nyn beccaghyn: t’ad myrgeddin gymmyrkey reill harrish nyn girp hene, as harrish yn ollagh ain, lurg yn aigney oc hene, as ta shin ayns chennid vooar.

Raaghyn Creeney 22:7

Ta’n berchagh reill harrish y voght, as ta’n yeeaseyder ayns ammys yn yeeaseydagh.

Joshua 16:10

As cha deiyr ad magh ny Canaaniteyn, va cummal ayns Gezer: agh ta ny Canaaniteyn, cummal mastey ny Ephraimiteyn gys y laa jiu, as shirveish fo keesh.