Nehemiah 5:2 - Yn Vible Casherick 1775 1819

² Son dooyrt paart jeu. Ta shin hene, nyn mec, as nyn inneenyn ymmodee; ta shin, er-y-fa shen êginit dy choonrey ad son arroo, dy vod mayd gee as ve bio.

Nehemiah 5:2 ပူးပေါင်းရင်းမြစ်များ

Genesis 41:57

As haink dy chooilley heer gys Egypt, gys Joseph, dy chionnaghey arran; er-yn-oyr dy row’n ghenney cha trome ayns dy chooilley heer.

Genesis 42:2

As dooyrt eh, Cur-my-ner, ta mee er chlashtyn, dy vel arroo ayns Egypt; gow-jee sheese gys shen, as kionnee-jee er nyn son veih shen, dy vod mayd ve bio, as nagh vow mayd baase.

Genesis 43:8

As dooyrt Judah rish Israel e ayr, Lhig y raad da’n scollag mârym’s, as nee mayd troggal orrin as goll, dy vod mayd ve bio, as gyn goll naardey, chammah shinyn, as uss, as myrgeddin yn vooinjer veggey ain.

Genesis 47:19

Cre’n-fa ragh shin naardey kiongoyrt rish dty hooillyn, chammah shinyn as y thalloo ain? kionnee shin as y thalloo ain son arran, as bee mayd hene marish y thalloo ain fo shirveish gys Pharaoh: as cur dooin arroo-correy dy vod mayd ve bio, nagh jem mayd naardey, as nagh bee’n thalloo ny aasagh.

2 Reeaghyn 4:1

Nish deïe ben dy row jeh mraane mec ny phadeyryn gys Elisha, gra, Ta dty harvaant my heshey marroo; as ta fys ayd’s dy row dty harvaant ayns aggle y Chiarn: as ta’n eeaseyder er jeet dy ghoaill da hene my ghaa vac dy ve e harvaantyn bondee.

Nehemiah 5:3

Dooyrt paart myrgeddin, Ta shin er choyrt yn thalloo ain, ny garaghyn-feeyney, as ny thieyn ain gioal, dy chionnaghey arroo, kyndagh rish y ghortey.

Haggai 1:6

Ta shiu er chuirr mooarane, as er chur lhieu stiagh beggan: ta shiu gee, agh cha vel shiu jeant magh: ta shiu giu, agh cha vel shiu er chuir nyn baays: ta shiu coamrey shiu hene, agh cha vel shiu geddyn chiass: as eshyn ta toilliu faill, t’eh toilliu eh dy choyrt eh ayns sporran raipit.

Malachi 2:2

Mannagh jean shiu clashtyn, mannagh gow shiu gys nyn gree eh, dy ghloyraghey my ennym’s, ver-ym eer mollaght erriu, as ver-ym mollaght er ny bannaghtyn eu; lioar, ta mee hannah er chur mollaght orroo, er-yn-oyr nagh vel shiu goaill eh gys nyn gree.

Deuteronomy 23:19

Cha drog oo use jeh dty vraar, use argid, ny use beaghey, ny use ass nhee erbee ta eeasit magh.