Nehemiah 4:3 - Yn Vible Casherick 1775 1819

³ Nish, va Tobiah yn Ammonite ny hassoo liorish, as dooyrt eh, My hed agh shynnagh seose er y voalley chloaie shoh, t’ad dy hroggal tuittee eh fo.

Nehemiah 4:3 ပူးပေါင်းရင်းမြစ်များ

1 Reeaghyn 20:10

As hug Ben-hadad fys huggey, as dooyrt eh, Myr shen dy jean ny jeeghyn rhym’s, as ny smoo neesht, my nee joan Samaria shirveish son lane duirn da ooilley’n pobble ta ec my voynyn.

1 Reeaghyn 20:18

As dooyrt eh, Edyr ad y ve er jeet magh son shee, gow-jee ad bio; ny edyr ad y ve er jeet magh son caggey, gow-jee ad bio.

2 Reeaghyn 18:23

Nish er-y-fa shen, ta mee guee ort, cur raanteenyn da my hiarn ree Assyria, as livrey-yms dhyt’s daa housane cabbyl, my oddys uss er dty phaart markee y choyrt orroo.

Nehemiah 2:10

Tra cheayll Sanballat yn Horonite, as Tobiah sharvaant yn Ammonite jeh shoh, v’ad seaghnit erskyn towse, dy row dooinney er jeet dy chur foays cloan Israel er y hoshiaght.

Nehemiah 2:19

Agh tra cheayll Sanballat yn Horonite as Tobiah sharvaant yn Ammonite, as Gesham yn Arabian jeh shoh, hie ad dy chraidey mooin, as hoie ad beg j’in, as va shin ayns faghid, as dooyrt ad, Cre shoh ta shiu mysh? vel shiu son girree-magh noi’n ree?

Nehemiah 6:1

Nish haink eh gy-kione, tra cheayll Sanballat, as Tobiah, as Gesham yn Arabian, as y chooid elley jeh nyn noidyn, dy row mee er hroggal y voalley, nagh row brishey erbee faagit ayn, (ga ec y traa cheddin cha row mee er hoiaghey seose coollaghyn er ny giattyn).

Dobberan 5:18

Eer son slieau Zion, ta ny hraartys, te ec ny shynnee dy hooyl ayn.

Deuteronomy 23:3

Cha bee Ammonite ny Moabite goit stiagh gys pobble y Chiarn; eer gys y jeihoo heeloghe cha bee ad goit stiagh gys cairys pobble y Chiarn son dy bragh.