Nehemiah 3:3 - Yn Vible Casherick 1775 1819

³ As giat ny eeastee hrog mec Hassenaah, ren myrgeddin layal ny beamyn, as soiaghey seose ny coollaghyn, lesh ny glassyn, as ny boltyn.

Nehemiah 3:3 ပူးပေါင်းရင်းမြစ်များ

2 Recortyssyn 33:14

Nish lurg shoh, hrog eh voalley er cheu-mooie jeh ard-valley Ghavid, er cheu-heear Ghihon, ’sy choan, eer gys entreil y yiat-eeastee, as ghow eh stiagh Ophel, as hrog eh eh gys yrjid feer vooar, as hug eh captanyn-caggee ayns ooilley ard-valjyn voallit Yudah.

Ezra 2:35

Cloan Senaah, three thousaneyn shey cheead as jeih as feed.

Nehemiah 12:39

As ny-sodjey seose na giat Ephraim, as erskyn y chenn yiat, as erskyn giat ny eeastee, as toor Hananeel, as toor Veah, eer gys giat ny geyrragh; as hass ad ayns giat y phryssoon.

Nehemiah 2:8

As screeuyn gys Asaph forrester y ree, dy choyrt dou fuygh, dy yannoo postyn son giattyn cooyrt y chiamble, as son voalley yn ard-valley, as son y thie hem stiagh ayn. As my yeearree hug y ree dou, myr va laue vie my Yee mârym.

Nehemiah 3:4

As by-niessey dauesyn hrog mac Urijah, mac Koz: as lioroo shoh dobbree Meshullam mac Berechiah, mac Meshezabeel: as by-niessey daue shoh dobbree Zadok mac Baana.

Nehemiah 3:6

As y chenn yiat hrog Jehoiada mac Paseah, as Meshullam mac Besodeiah: ren ad layal ny beamyn echey, as hoie ad seose ny dorryssyn, ny coollaghyn, as ny boltyn.

Nehemiah 6:1

Nish haink eh gy-kione, tra cheayll Sanballat, as Tobiah, as Gesham yn Arabian, as y chooid elley jeh nyn noidyn, dy row mee er hroggal y voalley, nagh row brishey erbee faagit ayn, (ga ec y traa cheddin cha row mee er hoiaghey seose coollaghyn er ny giattyn).

Nehemiah 7:1

Nish haink eh gy-kione, erreish da’n voalley ve troggit, as dy row mee er hoiaghey seose ny dorryssyn, as er phointeil porteryn, as fir-chiaullee, as Leviteyn,

Nehemiah 7:38

Cloan Senaah, three thousaneyn nuy cheead as jeih as feed.

Psalmyn 147:13

Son t’eh er n’yannoo shickyr boltyn dty yiattyn: as er vannaghey dty chloan er cheu-sthie jeed.

Zephaniah 1:10

As hig eh gy-kione ayns y laa shen, ta’n Chiarn dy ghra, dy bee yllaghey dy cheayney veih giat ny eeastee, as gullal veih yn nah yiat, as tharmane vooar veih ny croink.