Nehemiah 2:8 - Yn Vible Casherick 1775 1819

⁸ As screeuyn gys Asaph forrester y ree, dy choyrt dou fuygh, dy yannoo postyn son giattyn cooyrt y chiamble, as son voalley yn ard-valley, as son y thie hem stiagh ayn. As my yeearree hug y ree dou, myr va laue vie my Yee mârym.

Nehemiah 2:8 ပူးပေါင်းရင်းမြစ်များ

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Ezra 5:5

Agh va sooill y Jee oc harrish shanstyr ny Hewnyn, nagh voddagh ad shoh cur orroo scuirr, derrey harragh y chooish gys Darius: as dy voghe ad ansoor ayns screeuyn, mychione y chooish shoh.

Ezra 6:22

As dreill ad feailley yn arran-millish shiaght laa lesh boggey, son va’n Chiarn er choyrt daue gennallys liorish chyndaa cree ree Assyria huc, dy niartaghey nyn laueyn ayns obbyr thie Yee, Jee Israel.

Ezra 6:8

Ny-sodjey, ta mee jannoo decree, cre nee shiuish y yannoo son shanstyr ny Hewnyn shoh, gour troggal y thie shoh dy Yee: dy bee cost yn obbyr shoh er ny yannoo mie ass cooid y ree, eer ass ny keeshyn cheu elley jeh’n awin, ass laue dy ve eeckit da ny deiney shoh nagh bee ad er nyn lhiettal.

Ezra 7:6

Hie Ezra shoh seose veih Babylon, as v’eh ny scrudeyr slane ynsit ayns leigh Voses, va’n Chiarn Jee Israel er harey: as hug y ree daa ooilley e yeearree, myr va laue yn Chiarn e Yee mârish.

Ezra 7:9

Son er y chied laa, jeh’n chied vee, ren eh toshiaght er e yurnah veih Babylon, as er y chied laa jeh’n wheiggoo vee haink eh gys Jerusalem, myr va laue vie e Yee mârish.

Nehemiah 7:2

Dy dug mee da my vraar Hanani, as Hananiah kiannoort y phlaase, yn currym harrish Jerusalem: (son v’eh ny ghooinney ynrick, as ayns aggle Yee erskyn ymmodee).

Raaghyn Creeney 21:1

Ta cree y ree ayns laue y Chiarn, myr ny strooanyn ushtey: t’eh dy hyndaa ad raad saillish hene.

Ecclesiastes 2:5

Ren mee dou hene garaghyn as orchardyn, as hoie mee ayndoo dy chooilley cheint dy villey mess.

Ecclesiastes 2:6

Ren mee dou hene loghanyn ushtey, dy ushtaghey yn cheyll ta gymmyrkey biljyn.

Isaiah 66:14

As lurg diu shoh y akin, gowee yn cree eu boggey, as nee ny craueyn eu blaaghey myr losserey; as bee laue yn Chiarn cronnal gys e hirveishee, as e yymmoose er e noidyn.

Daniel 1:9

Nish hug Jee er Daniel dy ve ayns foayr as slane aigney-mie rish yn ard-eunuch.

Jannoo 26:22

Lesh y cooney er-y-fa shen hooar mee veih Jee, ta mee er-mayrn gys y laa t’ayn jiu, gymmyrkey feanish chammah gys beg as mooar, fegooish nhee erbee sodjey y ghra na dooyrt ny phadeyryn as Moses harragh gy-kione:

Jannoo 7:10

As livrey eh eh veih ooilley e heaghyn, as hug eh da foayr as creenaght ayns shilley Pharaoh ree Egypt; as ren eh eh ny chiannoort er Egypt, as ooilley e hie.

2 Corinthianee 8:16

Agh booise dy row gys Jee, hug yn chiarail jeean cheddin ayns cree Titus er nyn son.