Nehemiah 2:7 - Yn Vible Casherick 1775 1819

⁷ Dooyrt mee, ny-sodjey, rish y ree, My s’gooidsave lesh y ree, lhig da screeunyn v’er ny choyrt dooys gys ny kiannoortyn cheu elley jeh’n awin, dy choyrt mee er my yurnah, derrey rosh-ym gys Judah;

Nehemiah 2:7 ပူးပေါင်းရင်းမြစ်များ

Ezra 6:6

Nish er-y-fa shen, shiuish Tatnai, kiannoort cheu elley jeh’n awin, Shethar-bosnai, as y cheshaght eu, ny Apharsachiteyn ta cheu elley jeh’n awin, freill-jee shiu hene foddey voue.

Ezra 7:21

As ta mish, eer mee hene Artaxerxes y ree, cur magh sarey da ooilley ny resowryn ta cheu elley jeh’n awin, cre-erbee hirrys Ezra yn saggyrt, scrudeyr ayns leigh Yee flaunys, erriu, dy bee eh jeant ass laue;

Ezra 8:22

Son cha lhiggagh y nearey dou shirrey veih’n ree sheshaght dy hidooryn, as markee, dy chooney lhien noi’n noid er y raad: er-yn-oyr dy row shin er loayrt rish y ree, gra, Ta laue’n Jee ayn orroosyn ooilley son mie ta dy hirrey eh, agh ta e phooar as e yymmoose noi ocsyn ooilley ta treigeil eh.

Ezra 8:36

As livrey ad oardaghyn y ree gys lieutenantyn y ree, as gys ny kiannoortyn er cheu shoh jeh’n awin, as chur ad y pobble er nyn doshiaght, as thie Yee.

Nehemiah 2:9

Eisht haink mee gys ny kiannoortyn cheu elley jeh’n awin, as livrey mee daue screeunyn y ree. Nish va’n ree er choyrt captanyn e heshaght-chaggee, as markee mârym.

Nehemiah 3:7

As by-niessey dauesyn hrog Melatiah yn Gibeonite, as Jadon yn Meronothite, deiney Ghibeon as Mizpah, gys thie’n chiannoort er cheu shoh jeh’n awin.