Nehemiah 2:5 - Yn Vible Casherick 1775 1819

⁵ As dooyrt mee rish y ree, My s’gooidsave lesh y ree, as my ta dty harvaant er gheddyn foayr ayns dty hilley dy der oo mish gys Judah, gys ard-valley oanluckee my ayraghyn, dy voddym eh y hroggal.

Nehemiah 2:5 ပူးပေါင်းရင်းမြစ်များ

Ezra 5:17

Nish er-y-fa shen, my s’gooidsave lesh y ree, lhig da ronsagh ve jeant ayns thie recortyssyn y ree, t’ayns Babylon, nee myr shoh te, dy row decree jeant liorish Cyrus y ree, dy hroggal y thie shoh son Jee ec Jerusalem, as lhig da’n ree soilshaghey dooin e aigney, ayns y chooish shoh.

Raaghyn Creeney 3:4

Myr shen yiow foayr, as aigney-mie ayns shilley Jee as dooinney.

Esther 8:5

As dooyrt ee, My s’gooidsave lesh y ree, as my ta mee er gheddyn foayr ayns e hilley, as my chooish cairagh kiongoyrt rish y ree, as mee hene pleasal ayns e hooillyn; lhig da order ’ve jeant dy yannoo dyn bree ny screeunyn currit magh liorish Haman mac Hammedatha yn Agagite, dy stroie ny Hewnyn t’ayns ooilley rheamyn y ree:

Esther 7:3

Eisht dreggyr Esther yn ven-reïn, as dooyrt ee, My ta mee er gheddyn foayr ayns dty hilley’s, O ree, as my s’gooidsave lesh y ree, lhig da my vioys ’ve aym er my accan, as my phobble er my aghin.

Esther 5:8

My ta mee er gheddyn foayr ayns shilley yn ree, as my s’gooidsave lesh y ree dy yialdyn dou my accan, as dy chooilleeney my yeearree, lhig da’n ree as Haman cheet gys y yien ta mee kiarail er nyn son, as neem’s mairagh myr ta’n ree er ghra.

2 Samuel 14:22

As chroym Joab lesh e eddin gys y thalloo, as ren eh biallys, as hug eh booise da’n ree: as dooyrt Joab, Jiu ta fys ec dty harvaant, dy vel mee er gheddyn foayr ayns dty hilley, my hiarn, O ree, ayns wheesh as dy vel y ree er chooilleeney aghin e harvaant.

Ruth 2:13

Eisht dooyrt ee, Lhig dou foayr y gheddyn ayns dty hilley, my hiarn; son dy vel oo er my gherjaghey, as dy vel oo er loayrt dy dooie rish dty inney-veyl, ga nagh vel mish dy ve soylit gys veg jeh dty harvaantyn.

Esther 1:19

My s’gooidsave lesh y ree, lhig da jannoo sarey reeoil, as lhig da ve scruit mastey leighyn ny Persianee, as ny Medeyn, nagh bee er ny chaghlaa, nagh jig Vashti arragh ayns fenish ree Ahasuerus, as lhig da’n ree stowal y stayd reeoil eck er unnane elley ta ny share na ish.

Noo Mian 23:27

Smerg diu scrudeyryn as Phariseeyn, chrauee-oalsey; son ta shiu goll-rish oaiaghyn t’er nyn ghiallaghey, ta dy jarroo jeeaghyn aalin er cheu-mooie, agh cheu-sthie t’ad lane dy chraueyn ny merriu, as jeh dy chooilley eajeeys.

Nehemiah 2:4

Eisht dooyrt y ree rhym, Cre ta dty yeearree? Er shoh ren mee my phadjer gys Jee niau.

Nehemiah 2:6

As dooyrt y ree rhym, (yn ven-reïn ny soie liorish) Caïd vees oo er dty yurnah? as cuin hig oo reesht? Eisht ve aigney yn ree dy choyrt kied dou, as ren mee traa rish.

Daniel 9:25

Gow tushtey er-y-fa shen, as jean toiggal; veih goll magh y sarey, dy yannoo ass-y-noa, as dy hroggal Jerusalem reesht, gys Messiah yn prince bee shiaght shiaghtinyn, as lurg three-feed shiaghtinyn as jees, bee’n straïd as y voalley er nyn droggal reesht, eer rish earishyn seaghnagh.