Nehemiah 2:4 - Yn Vible Casherick 1775 1819

⁴ Eisht dooyrt y ree rhym, Cre ta dty yeearree? Er shoh ren mee my phadjer gys Jee niau.

Nehemiah 2:4 ပူးပေါင်းရင်းမြစ်များ

2 Samuel 15:31

As ve inshit da David, gra, Ta Ahitophel mastey dty noidyn marish Absalom. As dooyrt David, O Hiarn, ta mee guee ort, chyndaa coyrle Ahitophel gys ommijys.

1 Reeaghyn 3:5

Ayns Gibeon ren y Chiarn eh-hene y hoilshaghey da Solomon ayns ashlish ’syn oie: as dooyrt Jee, Shir cre ver-ym dhyt.

Nehemiah 1:11

O Hiarn, ta mee guee ort, lhig da dty chleaysh nish geaishtagh rish padjer dty harvaant, as rish padjer dty harvaantyn, ta aggindagh dy ghoaill aggle roish dty ennym: as cur dty vannaght, ta mee guee ort, yn laa shoh, lesh dty harvaant, as giall da foayr ayns shilley yn dooinney shoh. Son va mish shirveishagh cappan y ree.

Nehemiah 1:4

As haink eh gy-kione, tra cheayll mee ny goan shoh, dy hoie mee sheese, as ren mee keayney as dobberan dy trimshagh son ymmodee laghyn, as hrosht mee, as ghow mee padjer gys Jee niau,

Nehemiah 1:5

As dooyrt mee, Ta mee guee ort, O Hiarn Yee t’ayns niau, yn Jee mooar as atchimagh, ta cooilleeney conaant as myghin ny chour ocsyn ta graihagh er, as freayll e annaghyn.

Nehemiah 2:20

Eisht dreggyr mee ad, as dooyrt mee roo, Nee Jee t’ayns niau shin y vishaghey; shen-y-fa nee shinyn e harvaantyn troggal orrin as buildal, agh cha vel euish ayrn, ny cairys, ny imraa ayns Jerusalem.

Nehemiah 2:5

As dooyrt mee rish y ree, My s’gooidsave lesh y ree, as my ta dty harvaant er gheddyn foayr ayns dty hilley dy der oo mish gys Judah, gys ard-valley oanluckee my ayraghyn, dy voddym eh y hroggal.

Esther 5:3

Eisht dooyrt y ree, Cre ta dty yeearree, ven-reïn Esther? as cre ta dty aghin? bee eh eer er ny choyrt dhyt, gys derrey lieh yn reeriaght.

Esther 5:6

As dooyrt y ree rish Esther, ec y yien-feeyney, Cre ta dty accan? as bee eh giallit dhyt: as cre ta dty yeearree? gys eer y derrey lieh jeh’n reeriaght, vees eh cooilleenit.

Esther 7:2

As dooyrt y ree reesht rish Esther er y nah laa, ec y yien-feeyney, Cre ta dty yeearree, ven-reïn Esther? as bee eh ayd: as cre ta dty aghin? as bee eh cooilleenit gys eer yn derrey lieh jeh’n reeriaght.

Psalmyn 136:26

O cur-jee booise da Jee ny niaughyn: son ta e vyghin farraghtyn son dy bragh.

Raaghyn Creeney 3:6

Ayns ooilley dty raaidyn gow rishyn, as nee eh leeideil dty chesmadyn.

Noo Mark 10:51

As dreggyr Yeesey, as dooyrt eh rish, Cre bailt mee dy yannoo er dty hon? Dooyrt y dooinney doal rish, Hiarn, dy voddym my hoilshey y gheddyn.

Jannoo 23:19

Eisht ghow yn ard-chaptan eh er y laue, as hie eh mârish dy lhiattee gys boayl er-lheh, as dênee eh jeh, Cre shen t’ayd dy insh dooys?

Philippianee 4:6

Ny bee-jee imneagh son nhee erbee: agh ayns dy chooilley nhee liorish padjer as accan lesh toyrt-booise, lhig da ny aghinyn eu ve soilshit da Jee.