Nehemiah 2:3 - Yn Vible Casherick 1775 1819

³ As dooyrt mee rish y ree, Dy row yn ree foddey beayn; kys oddym agh ve trimshagh, choud as ta’n ard-valley, ynnyd oanluckee my ayraghyn, ny lhie follym-faase, as ny giattyn eck stroit lesh aile?

Nehemiah 2:3 ပူးပေါင်းရင်းမြစ်များ

1 Reeaghyn 1:31

Eisht chroym Bath-sheba sheese lesh e eddin gys yn ooir, as hug ee arrym da’n ree, gra, Lhig da my hiarn ree David ve foddey beayn.

2 Reeaghyn 25:8

As ayns y wheiggoo vee, er y chiaghtoo laa jeh’n vee, (ta shen yn nuyoo vleïn jeig jeh ree Nebuchadnezzar ree Vabylon,) haink Nebuzaradan, captan y ghard, sharvaant ree Vabylon, gys Jerusalem:

2 Recortyssyn 21:20

Daa vleïn jeig as feed dy eash v’eh tra ren eh toshiaght dy reill, as ren eh reill ayns Jerusalem hoght bleeaney, as hooar eh baase gyn trimshey er e hon: ny-yeih doanluck ad eh ayns ard-valley Ghavid, agh cha nee ayns ny lhiaghtyn reeoil.

2 Recortyssyn 28:27

As chaddil Ahaz marish e ayraghyn, as doanluck ad eh ayns ard-valley Yerusalem: agh cha dug ad eh ayns oaiaghyn reeaghyn Israel: as ren Hezekiah e vac reill ayns e ynnyd.

2 Recortyssyn 32:33

As chaddil Hezekiah marish e ayraghyn, as doanluck ad eh ayns y reih jeh oaiaghyn mec Ghavid: as ren ooilley Judah as cummaltee Yerusalem oanluckey onnoroil er e hon: as ren Manasseh e vac reill ayns e ynnyd.

2 Recortyssyn 36:19

As losht ad thie Yee, as vrish ad sheese voalley Yerusalem, as losht ad ooilley e phlaaseyn lesh aile, as spooill ad ooilley ny siyn aalin.

Nehemiah 1:3

As dooyrt ad rhym, Ta’n sluight t’er-mayrn jeh’n chappeeys ’sy rheam ayns seaghyn trome, as ayns faghid: ta voalley Yerusalem myrgeddin brisht sheese, as ny giattyn eck losht lesh aile.

Nehemiah 2:13

As hie mee magh ’syn oie, liorish giat ny glionney, eer roish chibbyr y dragon, as gys giat yn eoylley: as ghow mee baght jeh voallaghyn Yerusalem va brisht sheese, as ny giattyn eck va losht lesh aile.

Esther 8:6

Son kys oddym’s surranse dy akin lheid y chragh dy heet er my phobble? ny kys oddym’s gymmyrkey toyrt-mow my chynney.

Psalmyn 102:14

As cre’n-oyr? ta dty harvaantyn smooinaghtyn er ny voallaghyn eck: as s’treih lhieu dy akin ee ’sy joan.

Psalmyn 102:15

Nee ny ashoonyn aggle y ghoaill roish dt’Ennym, O Hiarn: as ooilley reeaghyn y theihll roish dt’Ard-ooashley;

Psalmyn 137:6

Mannagh gooin-yms ort’s, lhig da my hengey lhiantyn gys druntyn my veeal: dy jarroo mannagh vel mee soiaghey jeh Jerusalem erskyn dy chooilley voggey elley.

Psalmyn 38:7

Son ta my veeghyn lhieent lesh doghan trome: as cha vel ayrn erbee slane ayns my chorp.

Jeremiah 52:12

Nish ayns y wheiggoo vee, er y chiaghtoo laa jeh’n vee, (va’n nuyoo vleïn jeig jeh Nebuchadrezzar ree Vabylon,) haink Nebuzaradan captan y ghard, va shirveish fo ree Vabylon, gys Jerusalem:

Dobberan 2:9

Ta ny giattyn eck lhiggit sheese fo halloo; t’eh er stroie as er vrishey ny boltyn eck, ta’n ree as ny princeyn eck mastey ny ashoonee; ta’n leigh er n’gholl naardey, as cha vel ashlish sodjey ec ny phadeyryn veih’n Chiarn.

Daniel 2:4

Eisht loayr ny Caldeanee rish y ree ayns Syriack, Dy voddey beayn dhyt’s, O ree: insh da dty harvaantyn y dreamal, as soilshee mayd dhyt cre t’er ny hoiggal liorish.

Daniel 3:9

Loayr ad, as dooyrt ad rish y ree Nebuchadnezzar, Dy voddey beayn da’n ree!

Daniel 5:10

Nish er coontey goan y ree as e hiarnyn, haink y ven-reïn stiagh gys thie ny cuirraghyn, as loayr y ven-reïn, as dooyrt ee, Dy voddey beayn da’n ree! ny lhig da dty smooinaghtyn oo y heaghney, chamoo lhig da dty eddin ve er ny chaghlaa.

Daniel 6:21

Eisht dooyrt Daniel rish y ree, Dy voddey beayn dhyt’s, O ree!

Daniel 6:6

Eisht haggil ny ard-reiltee as ny princeyn shoh cooidjagh gys y ree, as shoh myr dooyrt ad rish, Dy voddey beayn da’n ree Darius!

Leviticus 26:31

As ver-yms naardey nyn ard-valjyn, as stroie-ym ny chiambleyn eu: as cha jean-ym soiagh jeh nyn ourallyn-millish.