Nehemiah 2:1 - Yn Vible Casherick 1775 1819

¹ As haink eh gy-kione ayns mee Nisan, ayns y feedoo vleïn jeh Artaxerxes y ree, dy row feeyn kiongoyrt rish: as ghow mish y feeyn, as hug mee eh da’n ree; nish cha row my chliaghtey dy ve trimshagh ayns e enish.

Nehemiah 2:1 ပူးပေါင်းရင်းမြစ်များ

Genesis 40:11

As va cappan Pharaoh ayns my laue; as ghow mee ny messyn-feeyney, as hraisht mee ad ayns cappan Pharaoh, as hug mee yn cappan ayns laue Pharaoh.

Genesis 40:21

As ghow eh stiagh yn ard-vutler gys e oik reesht; as hug eshyn y cappan ayns laue Pharaoh:

Ezra 4:7

As ayns laghyn Artaxerxes scrieu Bishlam, Mithredath, Tabeel, as shiartanse elley jeu, gys Artaxerxes ree Phersia; as va’n screeuyn jeant as lhaiht ayns glare ny Syrianee.

Ezra 7:1

Nish lurg ny reddyn shoh, ayns reill Artaxerxes ree Phersia, Ezra mac Seraiah, mac Azariah, mac Hilkiah,

Ezra 7:7

As hie paart jeh cloan Israel, as jeh ny saggyrtyn, as ny Leviteyn, ny fir-chiaullee, ny porteryn, as ny Nethinimee seose gys Jerusalem, ayns y chiaghtoo vleïn jeh Artaxerxes y ree.

Nehemiah 1:1

Goan Nehemiah mac Hachaliah. As haink eh gy-kione ayns mee Chisleu, ayns y feedoo vleïn, myr va mee ayns Shushan ’sy phlaase,

Nehemiah 1:11

O Hiarn, ta mee guee ort, lhig da dty chleaysh nish geaishtagh rish padjer dty harvaant, as rish padjer dty harvaantyn, ta aggindagh dy ghoaill aggle roish dty ennym: as cur dty vannaght, ta mee guee ort, yn laa shoh, lesh dty harvaant, as giall da foayr ayns shilley yn dooinney shoh. Son va mish shirveishagh cappan y ree.

Esther 3:7

Ayns y chied vee (ta shen yn vee Nisan) ayns y nah vleïn yeig jeh reill Ahasuerus, hilg ad Pur, ta shen, yn lot, fenish Haman, laa lurg laa, as veih mee dy mee, gys y nah vee yeig, ta shen, yn vee Adar.

Daniel 9:25

Gow tushtey er-y-fa shen, as jean toiggal; veih goll magh y sarey, dy yannoo ass-y-noa, as dy hroggal Jerusalem reesht, gys Messiah yn prince bee shiaght shiaghtinyn, as lurg three-feed shiaghtinyn as jees, bee’n straïd as y voalley er nyn droggal reesht, eer rish earishyn seaghnagh.