Nehemiah 13:9 - Yn Vible Casherick 1775 1819

⁹ Eisht doardee mee, as ghlen ad ny shamyryn: as ayndoo hug mee reesht siyn thie Yee, marish yn oural-arran, as y frankincense.

Nehemiah 13:9 ပူးပေါင်းရင်းမြစ်များ

2 Recortyssyn 29:5

As dooyrt eh roo, Eaisht-jee rhym’s, shiuish Leviteyn, jean-jee shiu hene y chasherickey, as jean-jee thie yn Chiarn Jee nyn ayraghyn y chasherickey, as glen-jee magh dy chooilley vroïd ass yn ynnyd casherick.

Nehemiah 10:37

As dy jinnagh shin lhien yn toshiaght jeh’n theayst, as ny chebballyn ain, as mess dy chooilley horch dy viljyn, dy feeyn, as dy ooil, gys ny saggyrtyn, gys shamyryn thie yn Jee ain, as jagheenyn y thalloo ain gys ny Leviteyn, dy voddagh ny jagheenyn ve ec ny Leviteyn cheddin ayns ooilley baljyn nyn farrysthie.

Nehemiah 12:45

As ren chammah ny fir-chiaullee, as ny porteryn freayll currym y Jee oc, as y currym dy chummal seose casherickys y chiamble, cordail rish oardagh Ghavid, as Solomon e vac.

Ezekiel 40:38

As va ny shamyryn, as ny entreeyn oc liorish pillaryn ny giattey, raad v’ad niee yn oural-losht.